ବୁଏନସ ଏୟାରିସ,୦୪/୦୭: ଆଗାମୀ ପ୍ୟାରିସ ଅଲିମ୍ପିକ୍ସ ପାଇଁ ଆର୍ଜେଣ୍ଟିନା ଫୁଟବଲ୍ ଦଳ ଘୋଷଣା କରାଯାଇଛି । ପ୍ରସିଦ୍ଧ ଖେଳାଳି ଲିଓନେଲ ମେସିଙ୍କୁ ଏହି ଦଳରେ ସ୍ଥାନ ମିଳିନାହିଁ । ସମ୍ପ୍ରତି କୋପା ଆମେରିକା କପ୍ ଖେଳୁଥିବା ୩୭ ବର୍ଷୀୟ ମେସି ଆହତ ଅଛନ୍ତି । ସେ ଇକ୍ୱେଡର ବିପକ୍ଷ କ୍ୱାର୍ଟର ଫାଇନାଲ୍ ଖେଳିବା ନେଇ ଆଶଙ୍କା ରହିଛି ।
ନିୟମ ଅନୁଯାୟୀ ଅଲିମ୍ପିକ୍ସରେ ୨୩ ବର୍ଷରୁ କମ୍ ଖେଳାଳିଙ୍କୁ ନେଇ ଦଳ ଗଠନ କରାଯିବ । ସମ୍ପୂର୍ଣ୍ଣ ଦଳରେ କେବଳ ୩ଜଣ ୨୩ ବର୍ଷରୁ ଊଦ୍ଧ୍ୱର୍ ବୟସର ଖେଳାଳି ରହିପାରିବେ । ଜାଭିୟର ମାସ୍କେରାନୋଙ୍କୁ ଆର୍ଜେଣ୍ଟିନା ଦଳର କୋଚ୍ ନିଯୁକ୍ତ କରାଯାଇଛି । ୩ ସିନିୟର ଖେଳାଳି ଭାବେ ଜୁଲିଆନ ଆଲଭାରେଜ, ନିକୋଲାସ ଓଟାମେଣ୍ଡି ଓ ଗୋଲ୍ କିପର ଗେରୋନିମୋ ରୁଲିଙ୍କୁ ସ୍ଥାନ ମିଳିଛି । ଅଲିମ୍ପିକ୍ସରେ ଆର୍ଜେଣ୍ଟିନା ଗ୍ରୁପ୍-ବି’ରେ ସ୍ଥାନ ପାଇଛି । ଏହି ଗ୍ରୁପ୍ରେ ଅନ୍ୟ ଦଳ ଭାବେ ମରକ୍କୋ, ଇରାକ ଓ ୟୁକ୍ରେନ ରହିଛନ୍ତି । ଆର୍ଜେଣ୍ଟିନା ୨୪ତାରିଖରେ ପ୍ରଥମ ମ୍ୟାଚ୍ ଖେଳିବ ଓ ମରକ୍କୋକୁ ଭେଟିବ । ଏହା ପୂର୍ବରୁ ଦଳ ପ୍ୟାରିସ୍ରେ ୨ଟି ଅଭ୍ୟାସ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି ।
ଦଳ: ଲିଆଣ୍ଡେ୍ରାବ୍ରେ,, ଗେରୋନିମୋ ରୁଲି (ଗୋଲ୍କିପର), ମାର୍କୋ ଡି ସିଜାରେ, ଜୁଲିଓ ସୋଲର, ଜୋଆକ୍ୱିନ ଗାର୍ସିଆ, ଗୋଞ୍ଜାଲୋ ଲୁଜାନ, ନିକୋଲାସ ଓଟାମେଣ୍ଡି, ବ୍ରୁନୋ ଆମିଓନ(ଡିଫେଣ୍ଡର), ଇଜେକ୍ୱେଲ ଫର୍ଣ୍ଣାଣ୍ଡେଜ, ସାଣ୍ଟିଆଗୋ ହେଜେ, କ୍ରିଷ୍ଟିଆନ ମେଦିନା, କେଭିନ ଜେନନ(ମିଡ୍ ଫିଲ୍ଡର), ଗ୍ୟୁଲିଆନୋ ସିମନ, ଲୁସିଆନୋ ଗୋଣ୍ଡୋ, ଥିଆଗୋ ଆଲମାଡା, କ୍ଲାଉଡିଓ ଏଚେଭେରୀ, ଜୁଲିଆନ ଆଲଭାରେଜ, ଲୁକାସ ବେଲଟ୍ରାନ ।
