ନୂଆଦିଲ୍ଲୀ,୩/୭ : ଟି-୨୦ ବିଶ୍ବକପରେ ଚାମ୍ପିୟନ ହେବା ପରେ ଟିମ୍ ଇଣ୍ଡିଆ ବାରବାଡୋସରେ ଉତ୍ସବ ମନାଇଛି । କିନ୍ତୁ ଫ୍ୟାନ୍ସ ବିଶ୍ବ ବିଜୟୀଙ୍କୁ ଭାରତ ଫେରିବାକୁ ଅପେକ୍ଷା କରିଛନ୍ତି । ବୋରିଲ ତୁଫାନ ପାଇଁ ଭାରତୀୟ ଦଳ ବାରବାଡୋସରେ ଫସି ରହିଥିଲେ । କିନ୍ତୁ ଏବେ ଚାମ୍ପିୟନ ଟିମ୍ ସେଠାରୁ ଉଡ଼ାଣ ଭରିବା ପରେ ଭାରତ ତାଙ୍କର ଗ୍ରାଣ୍ଡ୍ ଓ୍ବେଲକମ୍ କରିବା ଲାଗି ପ୍ରସ୍ତୁତିରେ ଲାଗି ପଡ଼ିଛି । ପିଏମ୍ ମୋଦୀ ଖେଳାଳୀଙ୍କୁ ସମ୍ମାନୀତ କରିବେ । ପୂରା ସିଡ୍ୟୁଲ ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଳା କହିଛନ୍ତି ।
ରୋହିତ ଶର୍ମା ଏଣ୍ଡ କମ୍ପାନୀ ଏବଂ ଟିମ୍ର ସହଯୋଗୀ ଷ୍ଟାଫଙ୍କୁ ଗୁରୁବାର ସକାଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ବାରା ସମ୍ମାନୀତ କରାଯିବ । ୨୯ଜୁନର ଫାଇନାଲ ମୁକାବିଲାରେ ତାଜ୍ ଜିତିବା ପରେ ଭାରତୀୟ ଟିମ୍ ବାରବାଡୋସରେ ପ୍ରାୟ ୩ଦିନ ହେବ ଫଶି ରହିଥିଲେ । କିନ୍ତୁ ଏବେ ଭାରତୀୟ ସମୟ ଅନୁସାରେ ୪ଟା ୫୦ ମିନିଟରେ ଭାରତୀୟ ଖେଳାଳୀ ନିଜ ପରିବାର, କୋଚିଂ ଷ୍ଟାଫ ଏବଂ ବିସିସିଆଇ ଅଧିକାରୀଙ୍କ ସମେତ ବାରବାଡୋସରୁ ଉଡ଼ାଣ ଭରି ସାରିଛନ୍ତି । ଟିମ୍ ଇଣ୍ଡିଆ ଲାଗି ବିସିସିଆଇ ଚାର୍ଟର ପ୍ଲାନର ବ୍ୟବସ୍ଥା କରିଥିଲା ।
ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଳା ଟିମ୍ ଇଣ୍ଡିଆ ସ୍ବାଗତର ପୂରା ସିଡ୍ୟୁଲ କହିଛନ୍ତି । ସେ କହିଛନ୍ତି କି, ଟିମ୍ ବିସିସିଆଇ ଦ୍ବାରା ନିଆଯାଇଥିବା ସ୍ପେଶାଲ ଏୟାର ଇଣ୍ଡିଆର ବିଶେଷ ବିମାନରେ ବାରବାଡୋସରେ ଉଡ଼ାଣ ଭରିଛନ୍ତି । ସେହିଭଳି ସେଠାରେ ସେଠାରେ ଫଶିଥିବା ଭାରତୀୟ ସାମ୍ବାଦିକ ବି ସେହି ବିମାନରେ ଆସୁଛନ୍ତି । ବିମାନ ଆସନ୍ତାକାଲି ସକାଳ ୬ଟାବେଳେ ଦିଲ୍ଲୀ ଏୟାରପୋର୍ଟରେ ଓହ୍ଲାଇବ । ଟିମ୍ ସକାଳ ୧୧ଟାବେଳେ ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଧାନମନ୍ତ୍ରୀ ଆବାସରେ ଭେଟିବେ । ଏହାପରେ ଟିମ୍ ମୁମ୍ବାଇ ଲାଗି ଉଡ଼ାଣ ଭରିବ । ନରୀମନ ପଏଣ୍ଟରେ ରୋଡ଼ ଶୋ ହେବ ଏବଂ ପରେ ଖେଳାଳୀଙ୍କୁ ସମ୍ମାନିତ କରାଯିବ ।
