ଲାହୋର: ଇବ୍ରାହିମ୍ ଜଦ୍ରାନଙ୍କ ୧୭୭ ରନର ଇନିଂସ ସହାୟତାରେ ଆଫଗାନିସ୍ତାନ ଇଂଲଣ୍ଡକୁ ୩୨୬ ରନର ଟାର୍ଗେଟ ଦେଇଛି । ଏହି ମ୍ୟାଚ୍ରେ ଆଫଗାନିସ୍ତାନ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । କିନ୍ତୁ ଏହାର ଆରମ୍ଭ ଭଲ ନଥିଲା। ଇଂଲଣ୍ଡର ଦ୍ରୁତ ବୋଲର ଜୋଫ୍ରା ଆର୍ଚର ଆଫଗାନିସ୍ତାନକୁ ତିନୋଟି ଝଟକା ଦେଇଥିଲେ। ତଥାପି ଜଦ୍ରାନ୍, ଶାହିଦିଙ୍କ ସହ ମିଶି ଶତକୀୟ ଇନିଂସ ଖେଳିବା ସହ ବିଶାଳ ଦଳୀୟ ସ୍କୋର ଛିଡ଼ା କରିଛନ୍ତି ।
ଆଫଗାନିସ୍ତାନ ୫୦ ଓଭରରେ ୭ ୱିକେଟ ହରାଇ ୩୨୫ ରନ କରିଛି । ଗଦ୍ଦାଫି ଷ୍ଟାଡିୟରେମ ଇବ୍ରାହିମ ଜଦ୍ରାନଙ୍କ ଐତିହାସିକ ଶତକୀୟ ଇନିଂସ ଚାମ୍ପିଅନ୍ସ ଟ୍ରଫିରେ ସାମିଲ ଦଳଙ୍କୁ ଆଶ୍ଚର୍ଯ୍ୟ କରିଛି । ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଆଫଗାନିସ୍ତାନ ଇଂଲଣ୍ଡ ବିପକ୍ଷରେ ୭ ଓ୍ଵିକେଟ୍ ହରାଇ ୩୨୫ ରନର ବଡ଼ ସ୍କୋର କରିଛି । ଇବ୍ରାହିମ ଜଦ୍ରାନ ୧୭୭ ରନର ବିଶାଳ ଶତକୀୟ ଇନିଂସ ଖେଳିଥିବା ବେଳେଏହା ଚାମ୍ପିଅନ୍ସ ଟ୍ରଫି ଇତିହାସରେ ବ୍ୟକ୍ତିଗତ ସର୍ବାଧିକ ସ୍କୋର ।
ଜଦ୍ରାନଙ୍କ ବ୍ୟତୀତ ମହମ୍ମଦ ନବି ୪୦ ରନ, ଅଧିନାୟକ ହସମତୁଲ୍ଲା ସାହିଦି ୪୦ ରନ ଓ ଅଜମତୁଲ୍ଲା ଉମରଜାଇ ୪୧ ରନର ଉପଯୋଗୀ ଇନିଂସ ଖେଳିଛନ୍ତି। ଟୁର୍ଣ୍ଣାମେଣ୍ଟରେ ତିଷ୍ଠି ରହିବା ପାଇଁ ଇଂଲଣ୍ଡ ସମ୍ମୁଖରେ ୩୨୬ ରନର ବିଜୟ ଲକ୍ଷ୍ୟ ରହିଛି। ବୋଲିଂରେ ଜୋଫ୍ରା ଆର୍ଚର ୩ ଓ୍ଵିକେଟ୍ ନେଇଥିବା ବେଳେ ଲିୟାମ ଲିଭିଙ୍ଗଷ୍ଟୋନ ୨ଟି ଓ୍ଵିକେଟ୍ ନେଇଛନ୍ତି ।
