ନୂଆଦିଲ୍ଲୀ: ବଲିଉଡ ସୁପରଷ୍ଟାର ଶାହରୁଖ ଖାନ୍ ଓ ଗୌରି ଖାନ୍ ଙ୍କ ସାନ ପୁଅ ଅବ୍ରାମ ଖାନ୍ ବର୍ତ୍ତମାନ ଚର୍ଚ୍ଚାରେ। ହଲିଉଡ଼ର ପ୍ରଖ୍ୟାତ ସଂଙ୍ଗୀତ ଗାୟିକା ଲେଡି ଗାଗା ଓ ବ୍ରୁନୋ ମାର୍ସଙ୍କ ଗୀତ ଡାଏ ୱିଥ ଏ ସ୍ମାଇଲ ଗୀତ ସେ ଗାଉଥିବା ବେଳର ଦୃଶ୍ୟ ସାମାଜିକ ଗଣମାଧ୍ୟମ ଏକ୍ସରେ ଭାଇରାଲ ହେବାରେ ଲାଗିଛି।
ଭାଇରାଲ ହୋଇଥିବା ଏହି ଭିଡିଓରେ ଆବ୍ରାମ ଏହି ଗୀତଟି ଗାଇବା ସହ ଅତି ସୁନ୍ଦର ଶୈଳିରେ ଗୀଟାର ବଜାଉଥିବା ଦେଖିବାକୁ ମିଳିଛି। ଏକ ସ୍କୁଲ ପ୍ରୋଗ୍ରାମରେ ସେ ଏହି ଗୀତ ଗାଉଥିବା ଦେଖିବାକୁ ମିଳିଛି। ସେ ପଢୁଥିବା ସ୍କୁଲରେ କୌଣସି ଏକ ପ୍ରୋଗ୍ରାମର ଗୀତ ବୋଲି ଜଣା ପଡିଛି। ତେବେ ତାଙ୍କ ସୁନ୍ଦର ଗାଇବା ଶୈଳୀ ଓ ଗୀଟାର ବାଦନ ଶୈଳୀ ଯୋଗୁଁ ଏହି ଭିଡିଓ ବିଭିନ୍ନ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଏହି ଭିଡିଓ ଭାଇରାଲ ହେବାପରେ ଅନେକ ସୋଶିଆଲ ମିଡିଆ ୟୁଜର ଏହାକୁ ନେଇ ନିଜ ମତାମତ ଦେବା ଆରମ୍ଭ କରିଦେଇଛନ୍ତି। ଏହି ଭିଡିଓରେ ଆବ୍ରାମଙ୍କର ଜଣେ ଫ୍ୟାନ “ହେ ଭଗବାନ, ତାଙ୍କ ଗୀଟାର ବାଦନ ଶୈଳି ଅତ୍ୟନ୍ତ ଚମତ୍କାର” ବୋଲି କହିଛନ୍ତି। ଅନ୍ୟ ଜଣେ ଫ୍ୟାନ “ଏପରି କରିବାକୁ ହେଲେ କୌଶଳର ଆବଶ୍ୟକତା ପଡେ” ବୋଲି ଲେଖିଛନ୍ତି। ସେହିପରି ଆଉ ଜଣେ ଫ୍ୟାନ “ଅତି ସୁନ୍ଦର” ବୋଲି ଲେଖିଛନ୍ତି। ତେବେ ଏହି ଭିଡିଓଟି ତାଙ୍କ ସ୍କୁଲର ବାର୍ଷିକ ପ୍ରୋଗ୍ରାମର ବୋଲି ଜଣା ପଡିଛି। ସେ ବର୍ତ୍ତମାନ ମୁମ୍ୱାଇର ଧୀରୁଭାଇ ଅମ୍ୱାନି ସ୍କୁଲରେ ପାଠ ପଢୁଛନ୍ତି।
ନିକଟରେ ରିଲିଜ ହୋଇଥିବା ଫିଲ୍ମ ମୁସାଫା, ଦ ଲାୟନ କିଙ୍ଗରେ ଅବ୍ରାମ କଣ୍ଠଦାନ କରି ଚର୍ଚ୍ଚାରେ ରହିଥିଲେ। ଏହା ସହ କିଙ୍ଗ ଖାନଙ୍କ ବଡ ପୁଅ ଅର୍ଯ୍ୟନ ଖାନ ମଧ୍ୟ ଏହି ଫିଲ୍ମରେ ସିମ୍ୱା ପାଇଁ କଣ୍ଠଦାନ କରିଥିଲେ। ଏହି ଫିଲ୍ମ ବହୁଳ ଭାବେ ଜନାଦୃତ ହେବା ପରେ ସମଗ୍ର ଭାରତରେ ଅବ୍ରାମଙ୍କ ଫ୍ୟାନ ଫଲୋଇଙ୍ଗ ବଢିଯାଇଥିଲା।
