ମୁମ୍ବାଇ,୨୬/୦୨: ମାଲାୟଲମ ଥ୍ରୀଲର୍ ଫିଲ୍ମ 'ଫୁଟେଜ୍'ର ହିନ୍ଦୀ ସଂସ୍କରଣ ଟ୍ରେଲର ରିଲିଜ୍ । ବିନୀଶ ଚନ୍ଦ୍ରନ୍ ଏବଂ ସୈଜୁ ଶ୍ରୀଧରନ୍ ଦ୍ୱାରା ପ୍ରଯୋଜିତ 'ଫୁଟେଜ୍'। ଏହି ଫିଲ୍ମରେ ମଞ୍ଜୁ ୱାରିୟର, ବିଶାକ ନାୟାର,ଗାୟତ୍ରୀ ଅଶୋକ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।ତେବେ ଏହି ଫିଲ୍ମଟି ଚଳିତ ବର୍ଷ ମାର୍ଚ୍ଚ ମାସ ୭ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ଏନେଇ ଗତକାଲି ଫିଲ୍ମ ନିର୍ମାତା ଅନୁରାଗ କଶ୍ୟପ ତାଙ୍କ ଇନଷ୍ଟାଗ୍ରାମରେ ଏହି ଫିଲ୍ମରେ ହିନ୍ଦୀ ସଂସ୍କରଣ ଟ୍ରେଲର ସେୟାର କରିଛନ୍ତି । ଟ୍ରେଲର ରିଲି କରି କ୍ୟାପସନରେ ଲେଖିଛନ୍ତି ଯେ, 'ଏଠାରେ 'ଫୁଟେଜ୍'ର ଟ୍ରେଲର । ସବୁଠାରୁ ଚ୍ୟାଲେଞ୍ଜିଂ ପରିସ୍ଥିତିରେ ସୁଟିଂ ହୋଇଥିବା ଏହି ଫିଲ୍ମଟି ଆପଣଙ୍କୁ ଏକ ନିଆରା ଅନୁଭବ କରାଇବ । ଫିଲ୍ମଟି ମାର୍ଚ୍ଚ ୭ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ । 'ଫୁଟେଜ୍'ର ହିନ୍ଦୀ ଟ୍ରେଲରରେ ଦୁନିଆର ଏକ ଝଲକ ପ୍ରଦାନ କରେ।ଯାହା ଏକ ଦମ୍ପତିଙ୍କ କାହାଣୀ କୁହେ । ଯଦିଓ ଟ୍ରେଲରରେ ବହୁତ କିଛି ଦେଖାଯାଇ ନାହିଁ । ଗତ ସୋମବାର ଦିନ ଅନୁରାଗ କଶ୍ୟପ ଫିଲ୍ମର ପୋଷ୍ଟର ସେୟାର କରିଥିଲେ ଏବଂ ଏହା ବିଷୟରେ ସଂକ୍ଷିପ୍ତ ସୂଚନା ଦେଇଥିଲେ । ସେ ତାଙ୍କ ପୋଷ୍ଟର କ୍ୟାପସନରେ ଲେଖିଥିଲେ, 'କୋଭିଡ୍ ସମୟରେ ସେଟ୍, ଏକ ମିଳିଥିବା ଫୁଟେଜ୍ ଥ୍ରୀଲର୍ ।'
