ନୂଆଦିଲ୍ଲୀ ୨୬/୦୨: ‘ଆଭେଞ୍ଜର୍ସ ଡୁମସେଡ ଓ ସିକ୍ରେଟ ୱାର୍ସ’ ସିନେମାର ଲଗାତାର ସୁଟିଂ ଚାଲିଛି । ଏହା ଦର୍ଶକଙ୍କ ପାଇଁ ଚ୍ୟାଲେଞ୍ଜିଂ ହେବ । ଏକଥା କହିଛନ୍ତି ଆଭେଞ୍ଜର୍ସର ନିର୍ଦ୍ଦେଶକ ତଥା ଲୋକପ୍ରିୟ ଯୋଡ଼ି ରୁସୋ ବ୍ରଦର୍ସ । ଅଳ୍ପଦିନ ତଳେ ଲସ୍ଆଞ୍ଜେଲସ୍ରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ୨୦୨୬-୨୭ରେ ମୁକ୍ତିଲାଭ କରିବାକୁ ଥିବା ଆଭେଞ୍ଜର୍ସ ସିନେମା ସମ୍ବନ୍ଧରେ ପ୍ରଶ୍ନ କରାଯିବାରୁ ଏଭଳି କହିଥିଲେ ରୁସୋ ବ୍ରଦର୍ସ । ଆନ୍ଥୋନି ରୁସୋ ଓ ଜୋ ରୁସୋ ହଲିଉଡରେ ରୁସୋ ବ୍ରଦର୍ସ ନାମରେ ସୁପରିଚିତ ।
ତେବେ ଏ ସମ୍ବନ୍ଧରେ ବିସ୍ତୃତ ମତ ରଖି ଆନ୍ଥୋନୀ ରୁସୋ କହିଥିଲେ ଯେ ଲଣ୍ଡନରେ ଏହାର ନିରବଚ୍ଛିନ୍ନ ସୁଟିଂ ଚାଲିଛି । ସୁଟିଂର ପ୍ରତ୍ୟେକ ପର୍ଯ୍ୟାୟ କଳାକାରମାନଙ୍କ ପାଇଁ ଚ୍ୟାଲେଞ୍ଜିଂ । ଏହା ବ୍ୟତୀତ ରୁସୋ କହିଥିଲେ ଯେ, ଆଗାମୀ ସିନେମାରେ ମାର୍ଭେଲର ଯେ କୌଣସି ଚରିତ୍ରଙ୍କୁ ଦେଖିବାକୁ ମିଳିପାରେ । ସିନେମାରେ କିଏ ଦେଖାଯିବେ କିଏ ଦେଖାଯିବେ ନାହିଁ ଏ ନେଇ ଆମେ ମଧ୍ୟ ନିଶ୍ଚିତ ନୁହଁ । ମାର୍ଭେଲ ଚରିତ୍ର ଡେଡପୁଲଙ୍କୁ ଏହି ସିନେମାରେ ଦେଖିବାକୁ ମିଳିବ ବୋଲି ପ୍ରଶ୍ନ ପଚାରିବାରୁ ଏପରି ଉତ୍ତର ରଖିଥିଲେ ରୁସୋ । ମଲ୍ଟି ଭର୍ସ ଆଧାରିତ ଆଭେଞ୍ଜର୍ସ ସିନେମାରେ ଅନେକ ଗୁଡିଏ ବ୍ରହ୍ମାଣ୍ଡର କାହାଣୀ ଦେଖିବାକୁ ମିଳିଥାଏ । ଏହି ସିନେମାରେ ମଧ୍ୟ ପ୍ରତ୍ୟେକ ବ୍ରହ୍ମାଣ୍ଡର ସୁପର ହିରୋମାନଙ୍କୁ ଦେଖିବାକୁ ମିଳିବ । ଡର୍ ଡୁନଙ୍କଠାରୁ ନେଇ କ୍ୟାପଟେନ ଆମେରିକା ହୁଅନ୍ତୁ କିମ୍ବା ଆଇରନ୍ ମ୍ୟାନ୍ କି ଡେଡପୁଲ ସିନେମାରେ ଅନେକ ସୁପର ପାୱାରଙ୍କୁ ଦେଖିବାକୁ ଦର୍ଶକ ପ୍ରସ୍ତୁତ ରୁହନ୍ତୁ ବୋଲି କହିଛନ୍ତି ରୁସୋ ବ୍ରଦର୍ସ ।
