ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ ଆଜି (ବୁଧବାର) କଂଗ୍ରେସ ସାଂସଦ ରାହୁଲ ଗାନ୍ଧୀ ଏବଂ ଶିବସେନା ୟୁବିଟି ମୁଖ୍ୟ ଉଦ୍ଧବ ଠାକରେଙ୍କ ଉପରେ ଏକ ବଡ଼ ଆକ୍ରମଣ କରିଛନ୍ତି। ଅଠାୱଲେ କହିଛନ୍ତି ଯେ, ଉଦ୍ଧବ ଠାକରେ ଏବଂ ରାହୁଲ ଗାନ୍ଧୀ ମହାକୁମ୍ଭରେ ଯୋଗ ନ ଦେଇ ହିନ୍ଦୁତ୍ୱର ଅପମାନ କରିଛନ୍ତି। ରାମଦାସ ଅଠାୱଲେ ଆହୁରି କହିଛନ୍ତି ଯେ, ହିନ୍ଦୁ ଭୋଟର ମାନେ ଉଦ୍ଧବ ଠାକରେ ଏବଂ ରାହୁଲ ଗାନ୍ଧୀଙ୍କୁ ବର୍ଜନ କରିବା ଉଚିତ।
ବିଜେପିର ସହଯୋଗୀ ରିପବ୍ଲିକାନ୍ ପାର୍ଟିର ମୁଖ୍ୟ ରାମଦାସ ଅଠାୱଲେ କହିଛନ୍ତି,"ଠାକରେ ହିନ୍ଦୁତ୍ୱ ବିଷୟରେ କଥା କୁହନ୍ତି କିନ୍ତୁ ସେ ପ୍ରୟାଗରାଜରେ ଚାଲିଥିବା ମହାକୁମ୍ଭରେ ଅଂଶଗ୍ରହଣ କରି ନାହାଁନ୍ତି।" ମହାକୁମ୍ଭରେ ଅଂଶଗ୍ରହଣ ନକରି ଠାକରେ ଏବଂ ଗାନ୍ଧୀ ପରିବାର ହିନ୍ଦୁତ୍ୱର ଅପମାନ କରିଛନ୍ତି। ହିନ୍ଦୁ ହେବା ଏବଂ ମହାକୁମ୍ଭରେ ଅଂଶଗ୍ରହଣ ନ କରିବା ହିନ୍ଦୁଙ୍କ ପାଇଁ ଅପମାନ ଏବଂ ହିନ୍ଦୁମାନେ ସେମାନଙ୍କୁ ବର୍ଜନ କରିବା ଉଚିତ।
କେନ୍ଦ୍ର ସାମାଜିକ ନ୍ୟାୟ ଏବଂ ସଶକ୍ତିକରଣ ରାଷ୍ଟ୍ରମନ୍ତ୍ରୀ ରାମଦାସ ଅଠାୱଲେ ଆହୁରି କହିଛନ୍ତି କି,"ଲୋକଙ୍କ ଭାବନାକୁ ଧ୍ୟାନରେ ରଖି ତାଙ୍କୁ ମହାକୁମ୍ଭରେ ଅଂଶଗ୍ରହଣ କରିବା ଉଚିତ ଥିଲା। ସେ ସବୁବେଳେ ହିନ୍ଦୁ ଭୋଟ ଚାହାଁନ୍ତି, ତଥାପି ସେ ମହାକୁମ୍ଭରେ ଅଂଶଗ୍ରହଣ କରିନଥିଲେ। ମୁଁ ଭାବୁଛି ହିନ୍ଦୁ ଭୋଟର ମାନେ ତାଙ୍କୁ ବର୍ଜନ କରିବା ଉଚିତ।" ରାମଦାସ ଅଠାୱଲେ କହିଛନ୍ତି ଯେ ଗତ ବର୍ଷ ନଭେମ୍ବରରେ ଅନୁଷ୍ଠିତ ମହାରାଷ୍ଟ୍ର ବିଧାନସଭା ନିର୍ବାଚନରେ ହିନ୍ଦୁ ଭୋଟର ମାନେ ଏହି ନେତା ମାନଙ୍କୁ ଏକ ଶିକ୍ଷା ଦେଇଛନ୍ତି।
