ନୁଆଦିଲ୍ଲୀ: ମହାରାଷ୍ଟ୍ରରେ ଫୁଣି ଆଉ ଏକ ଲଜ୍ଜାଜନକ ଘଟଣା ଘଟିଛି। ପୁନେରେ ଜଣେ ୨୬ ବର୍ଷିୟ ମହିଳାଙ୍କୁ ଏକ ପାର୍କ ହୋଇଥିବା ମହାରାଷ୍ଟ୍ର ରାଜ୍ୟ ସଡକ ପରିବହନ କର୍ପୋରେସନ(ଏମଏସଆରଟିସି)ର ବସରେ ଦୁଷ୍କର୍ମ କରାଯାଇଛି। ବସଟି ସ୍ୱର୍ଗତେ ବସ ଷ୍ଟାଣ୍ଡରେ ଠିଆ ହୋଇଥିବାବେଳେ ଏହି ଅଘଟଣ ଘଟିଛି। ଏହି ଅଘଟଣର ମୁଖ୍ୟ ଅଭିଯୁକ୍ତକୁ ପୋଲିସ ନିଜ ହେପାଜତକୁ ନେଇଥିବା ବେଳେ ତାର ନାମ ଦତ୍ତାତ୍ରେୟ ଗାଡେ ବୋଲି ଜଣାପଡିଛି। ତେବେ ତା ନାମରେ ପୂର୍ବରୁ ଚୋରି ଓ ଛିନତାଇ ଭଳି ଆପରାଧିକ ମାମଲା ରହିଥିବା ନେଇ ପୋଲିସ ସୂଚନା ପ୍ରଦାନ କରିଛି।
ଏହି ଅଘଟଣ ମଙ୍ଗଳବାର ସକାଳ ସମୟରେ ଘଟିଥିବା ନେଇ ସୂଚନା ମିଳିଛି। ଖବର ମୁତାବକ, ସକାଳ ୫ଟା ୩୦ ମିନିଟ ସମୟରେ ମହିଳା ଜଣକ ବସ ଷ୍ଟାଣ୍ଡରେ ପଇଥାନକୁ ଯାଉଥିବା ଏକ ବସର ଅପେକ୍ଷା କରିଥିଲେ। ଏହି ସମୟରେ ଅଭିଯୁକ୍ତ ଜଣକ ଘଟଣାସ୍ଥଳରେ ପହଞ୍ଚି ତାଙ୍କ ବସ ଅନ୍ୟ ଏକ ପ୍ଲାଟଫର୍ମକୁ ଆସିବ ବୋଲି ମହିଳାଙ୍କୁ କହିଥିଲେ।
ମହିଳା ତାଙ୍କୁ ବିଶ୍ୱାସ କରି ତାଙ୍କ ପଛେପଛେ ଏକ ବସ ପାର୍କିସ୍ଥଳକୁ ଯାଇଥିଲେ। ସେଠାରେ ଏମଏସଆରଟିସିର ଅନେକ ବସ ପାର୍କିରେ ଛିଡା ହୋଇଥିଲେ। ଅଭିଯୁକ୍ତ ଜଣକ ତାଙ୍କୁ ଏକ ବସରେ ଚଢାଇବା ସହ ନିଜେ ତାଙ୍କ ପଛେପଛେ ବସରେ ଚଢି ଯାଇଥିଲେ। ମହିଳା ଜମକ କିଛି ବୁଝିବା ପୂର୍ବରୁ ଅଭିଯୁକ୍ତ ଜଣଙ୍କ ତାଙ୍କୁ ଭିତରକୁ ଭିଡିନେଇ ଦୁଷ୍କର୍ମ କରିଥିଲେ। ଏହାପରେ ଅଭିଯୁକ୍ତ ଜଣକ ଘଟଣାସ୍ଥଳରୁ ଚମ୍ପଟ ମାରିଥିଲେ।
ମହିଳା ଜଣକ ବାହାରକୁ ଆସି କାନ୍ଦୁଥିବାରୁ ପାଖଆଖରେ ଥିବା ଲୋକମାନେ ତାଙ୍କୁ ଏନେଇ ପ୍ରଶ୍ନ କରିଥିଲେ। ମହିଳା ଜଣଙ୍କ ସବୁକଥା ପ୍ରକାଶ କରିବା ପରେ ସ୍ଥାନିୟ ଅଧିକାରୀମାନେ ଏଥିନେଇ ତୁରନ୍ତ ଆକ୍ସନ ଗ୍ରହଣ କରିଥିଲେ। ସିସିଟିଭି ଫୁଟେଜରୁ ଅଧିକାରୀମାନେ ଅଭିଯୁକେତକୁ ଚିହ୍ନଟ କରିଥିଲେ। ଏହାପରେ ଅନେକ ପୋଲିସ ଟିମ ଏକାଠି ହୋଇ ଅଭିଯୁକ୍ତ ପାଇଁ ଏକ ସର୍ଚ୍ଚ ଅପରେସନ ଜାରି ରଖିଥିଲେ। ତେବେ ବହୁ ଜଳଦି ଅଭିଯୁକ୍ତକୁ ହେପାଜତକୁ ନିଆଯାଇଛି ବୋଲି ସ୍ୱର୍ଗତେ ପୋଲିସ ଥାନା ସ୍ପଷ୍ଟ କରିଛି।
ଏହି ଘଟଣା ଲୋକଲୋଚନକୁ ଆସିବା ପରେ ପ୍ରବଳ ଜନ ଅସନ୍ତୋଷ ପ୍ରକାଶ ପାଇଥିଲା। ଶିବ ସେନା(ୟୁବିଟି)ର ଦଳେ କାର୍ଯ୍ୟକର୍ତ୍ତା ବସଷ୍ଟାଣ୍ଡରେ ପଶି ସିକ୍ୟୁରିଟି କ୍ୟବିନରେ ନିଆଁ ଲଗାଇ ଦେଇଥିଲେ। ଏହି ଘଟମା ପାଇଁ ବସଷ୍ଟାଣ୍ଡ ବାହାରେ ଧାରଣା ଦେଇଥିଲେ। ଏହା ସହ ଅନେକ ଲୋକ ଦୁଷ୍କର୍ମ କରାଯାଇଥିବା ବସକୁ ଭଙ୍ଗାରୁଜା କରିବା ସହ ସରକାର ବିରୋଧି ନାରା ଦେଇଥିଲେ।
ଏହି ମାମଲାକୁ ନେଇ ମହାରାଷ୍ଟ୍ରରେ ରାଜନୈତିକ ବିବାଦ ଆରମ୍ଭ ହୋଇଯାଇଛି। ବିଭିନ୍ନ ବିରୋଧିଦଳ ଶାସକ ଦଳକୁ ଘେରିବା ସହ ଏହି ମାମଲା ପାଇଁ ସିଧାସଳଖ ଟାର୍ଗେଟ କରିଛନ୍ତି।
