ଆନନ୍ଦପୁର,୨୫/୦୮: କେନ୍ଦୁଝର ଜିଲ୍ଲା ଆନନ୍ଦପୁର ପୌରପରିଷଦ ୧୩ ନମ୍ବର ୱାର୍ଡ ଜଅଁରାରେ ଦିଲ୍ଲୀପ ଜେନା ନାମକ ଜଣେ ବ୍ୟକ୍ତିଙ୍କ ଚାଳ ଛପର ଘରର କାନ୍ଥ ସମ୍ପୂର୍ଣ୍ଣ ଭାବେ ଭାଙ୍ଗି ପଡିଛି । ସୌଭାଗ୍ୟବଶତଃ ପରିବାରର ସମସ୍ତ ସଦସ୍ୟଙ୍କ ଜୀବନ ବଞ୍ଚି ଯାଇଛି ।
ସୂଚନା ମୁତାବକ, ଦିଲ୍ଲୀପ, ତାଙ୍କ ପତ୍ନୀ, ମାଆ ଓ ଦୁଇପୁଅ ରାତିରେ ଘରେ ଶୋଇଥିଲେ । ଏହି ସମୟରେ ଲଗାଣ ବର୍ଷା ଯୋଗୁଁ କାନ୍ଥଟି ଭାଙ୍ଗି ପଡ଼ିଥିଲା । ସୌଭାଗ୍ୟବଶତଃ କାନ୍ଥଟି ସେମାନଙ୍କ ଉପରେ ନପଡି ବାହାର ପଟକୁ ପଡି ଯାଇଥିଲା । ଫଳରେ ପରିବାରର ସମସ୍ତଙ୍କ ଜୀବନ ବଞ୍ଚି ଯାଇଛି । ଅନେକ ଦିନ ଧରି ଦିଲ୍ଲୀପ ସରକାରଙ୍କ ଆବାସ ଯୋଜନାରେ ସାମିଲ ହେବା ପାଇଁ ଆବେଦନ କରୁଥିଲେ ମଧ୍ୟ ତାଙ୍କୁ ଘରଟିଏ ମିଳୁନାହିଁ । ତେବେ କାନ୍ଥ ଭାଙ୍ଗିବା ପରେ ତାଙ୍କୁ ଘର ଯୋଗାଇଦେବାକୁ ଉପଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।
