ତେଲକୋଇ,୨୩।୮ - ତେଲକୋଇ ବନାଞ୍ଚଳ ବିମଳା ଫରେଷ୍ଟ ବିଟ ଗୋପୀନାଥପୁର ଗ୍ରାମରେ ହାତୀ ଆତଙ୍କ । ହାତୀ ପଲ ଗ୍ରାମର ମିନତି ମହାନ୍ତଙ୍କ ଘର ଭାଙ୍ଗିବା ସହିତ ଧାନ ଚାଉଳ ଖାଇ ଦେଇଥିବା ଅଭିଯୋଗ ହୋଇଛି। ସେହି ଘରେ ମିନତି ଓ ତାଙ୍କ ପୁଅ ଶୋଇଥିବା ବେଳେ ହାତୀ କବଳରୁ ଅଳ୍ପକେ ବର୍ତ୍ତି ଯାଇଛନ୍ତି ।
ମିନତି ଶୁକ୍ରବାର ରାତିରେ ପରିବାର ସହ ଘରେ ଶୋଇଥିବା ବେଳେ ମଧ୍ୟ ରାତ୍ରିରେ ହାତୀ ପଲ ଗୋପୀନାଥପୁର ଗାଁ କୁ ପଶି ଆସି ମୀନତିଙ୍କ ଘର ଭାଙ୍ଗିଥିଲେ । ଘରେ ଥିବା ଧାନ ଓ ଚାଉଳକୁ ଖାଇବା ସହିତ ବାଡି ବଗିଚା ବ୍ୟାପକ ନଷ୍ଟ କରିଥିଲେ । ଘରେ ଶୋଇଥିବା ମା’- ପୁଅ ହାତୀ ଆକ୍ରମଣରୁ ଅଳ୍ପକେ ବର୍ତ୍ତି ଯାଇଥିଲେ। ପାଟି ଶୁଣି ସ୍ଥାନୀୟ ଲୋକେ ଏକତ୍ରିତ ହୋଇ ହାତୀକୁ ଘଉଡାଇ ଥିଲେ । ତେବେ ହାତୀ ଉତ୍ପାତକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି ।
