ନୂଆଦିଲ୍ଲୀ,୪/୩ :  ରାମପୁରରୁ ଆସିଲା ବଡ଼ ଖବର । ନିର୍ବାଚନ ଆଚାର ସଂହିତା ଉଲ୍ଲଂଘନ ମାମଲାରେ ଅଭିଯୁକ୍ତ ରାମପୁରରୁ ପୂର୍ବତନ ସାଂସଦ ଏବଂ ଫିଲ୍ମ ଅଭିନେତ୍ରୀ ଜୟାପ୍ରଦା କୋର୍ଟରେ ସରେଣ୍ଡର କରିଦେଇଛନ୍ତି । ଆଜି ଜୟାପ୍ରଦାଙ୍କୁ ଅଧିବକ୍ତା କୋର୍ଟରେ NBW ରିକଲ କରିବାକୁ ଆପ୍ଲିକେଶନ ଲଗାଇଥିଲେ । ଜୟାପ୍ରଦାଙ୍କ ଉପରେ ରାମପୁର ଏମପି ଏମଏଲଏ କୋର୍ଟରୁ NBW ଜାରି ଅଛି । ଆଚାର ସଂହିତା ଉଲ୍ଲଂଘନ ମାମଲାରେ କୋର୍ଟ ଜୟାପ୍ରଦାଙ୍କୁ ଫେରାର ଘୋଷଣା କରିସାରିଥିଲେ । ୨୦୧୯ଲୋକସଭା ନିର୍ବାଚନରେ ଜୟାପ୍ରଦା ରାମପୁରରୁ ବିଜେପିର ଆଶାୟୀ ପ୍ରାର୍ଥୀ ଥିଲେ ।

୨୦୧୯ରେ ଜୟାପ୍ରଦାଙ୍କ ଉପରେ ଆଚାର ସଂହିତା ଉଲ୍ଲଂଘନର ମାମଲା ରୁଜୁ ହୋଇଥିଲା । ତାଙ୍କ ବିରୁଦ୍ଧରେ ସ୍ବାର ଏବଂ କେମରୀ ଥାନାରେ ଦୁଇଟି ନିର୍ବାଚନ ଆଚାର ସଂହିତା ଉଲ୍ଲଂଘନର ଏଫଆଇଆର ହୋଇଥିଲା । ସ୍ବାରରେ ତାଙ୍କ ଉପରେ ଆଚାର ସଂହିତା ପରେ ବି ନୂରପୁର ଗାଁରେ ସଡ଼କର ଉଦଘାଟନ କରିବାର ଅଭିଯୋଗ ଅଛି । ଆଦର୍ଶ ଆଚାର ସଂହିତା ଉଲ୍ଲଂଘନ ମାମଲାର ଶୁଣାଣି ମାଜିଷ୍ଟେ୍ରଟ ଟ୍ରାୟଲ କୋର୍ଟରେ ଚାଲୁଛି । କ୍ୟାମେରୀ ଏବଂ ସ୍ବାର ଥାନାରେ ଆଚାର ସଂହିତା ଉଲ୍ଲଂଘନର ମାମଲା ରୁଜୁ ହୋଇଥିଲା । ପୂରା ମାମଲାରେ ଜୟାପ୍ରଦାଙ୍କୁ ଏବେ ପର୍ଯ୍ୟନ୍ତ ବୟାନ ରେକର୍ଡ଼ ହୋଇପାରିନାହିଁ । ହାଜର ନ ହେବା ଉପରେ ଅଦାଲତକୁ ଶକ୍ତ ହେବାକୁ ପଡ଼ିଲା ।