ମହାରାଷ୍ଟ୍ର ୨୭/୦୭: ଶିବସେନା(ୟୁବିଟି)ର ନେତା ତଥା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେଙ୍କର ୬୪ତମ ଜନ୍ମଦିନ ପୂର୍ବରୁ ଶିବସୈନିକମାନେ ତାଙ୍କୁ ଏକ ନିଆରା ଉପହାର ପ୍ରଦାନ କରିଛନ୍ତି । ଆସନ୍ତାକାଲି ଉଦ୍ଧବଙ୍କର ଜନ୍ମଦିନ ହୋଇଥିବାବେଳେ ତାର ଦିନକ ପୂର୍ବରୁ ଆଜି ତାଙ୍କୁ ପିତା ବାଲା ସାହେବ ଠାକ୍ରେଙ୍କର ଏକ ଚିତ୍ର ଉପହାରସ୍ୱରୂପ ମିଳିଛି । ସେହି ଚିତ୍ରକୁ ୨୭ ହଜାର ହୀରାରେ ତିଆରି କରାଯାଇଛି ।
ଉଦ୍ଧବଙ୍କ ବାସଭବନ ମାତୋଶ୍ରୀ ପହଞ୍ଚି ଶିବସୈନିକମାନେ ତାଙ୍କୁ ଏହି ଫଟୋ ହସ୍ତାନ୍ତର କରିଥିଲେ । ଚିତ୍ରଟିକୁ ବନାଇବା ଲାଗି ୬ ମାସ ସମୟ ଲାଗିଛି । ଏ ସଂପର୍କରେ ଶିବସେନା ୟୁବିଟିର ମୁଖପାତ୍ର ହର୍ଷଲ ପ୍ରଧାନ କହିଛନ୍ତି, ଚିତ୍ରଟିକୁ ସୁପ୍ରସିଦ୍ଧ କଳାକାର ଶୈଲେଶ ଆଚରେକର ପ୍ରସ୍ତୁତ କରିଛନ୍ତି । ବାଲାସାହେବ ନିଜେ ଜଣେ କଳାପ୍ରେମୀ ଥିଲେ । ଚିତ୍ରଟିକୁ ଠାକ୍ରେ ରାଷ୍ଟ୍ରୀୟ ସ୍ମାରକରେ ରଖାଯିବ । ସେଠାରେ ତାହା ପ୍ରମୁଖ ଆକର୍ଷଣ ହେବ । ଶୈଲେଶ ଆଚରେକର ପୂର୍ବରୁ ରତନ ଟାଟାଙ୍କର ମଧ୍ୟ ଏହିଭଳି ଚିତ୍ର ପ୍ରସ୍ତୁତ କରିଥିଲେ ।