ନୂଆଦିଲ୍ଲୀ, ୧୭/୧୦ : ସୋସିଆଲ ମିଡ଼ିଆରେ ପ୍ରତ୍ୟେକ ଦିନ କିଛି ନା କିଛି ଭାଇରାଲ ହୋଇଥାଏ । ତେବେ ଏବେ ଏଭଳି ଏକ ଭିଡ଼ିଓ ଭାଇରାଲ ହେବାକୁ ଲାଗିଛି ଯାହାକୁ ଦେଖି ଯେ କେହି ବି ଆଶ୍ଚର୍ଯ୍ୟ ହୋଇଯିବ । ଜନୈକ ଯୁବତୀ ଦୁର୍ଘଟଣାରେ ଶିକାର ହୋଇ ବି ନିଜର ଏବଂ ତାଙ୍କ ସମ୍ପର୍କୀୟଙ୍କର ଭିଡ଼ିଓ ପ୍ରସ୍ତୁତ କରିବାକୁ ଲାଗିଛନ୍ତି । ଯାହାକୁ ଦେଖି କିଛି ଲୋକ ରାଗି ଯାଉଛନ୍ତି ତ କିଛି ଖୁବ୍ କଥା ଶୁଣାଉଛନ୍ତି । ସେହିଭଳି ଆଉ କିଛି ଲୋକ ଏହା ଜାଣିବାକୁ ପ୍ରୟାସ କରୁଛନ୍ତି କି ଏଭଳି କ’ଣ ଇମରଜେନ୍ସି ଆସିଲା କି ଚିକିତ୍ସା ପୂର୍ବରୁ ରିଲ୍ କରିବାକୁ ପଡ଼ିଲା । ଭାଇରାଲ ହେଉଥିବା ଏହି ଭିଡ଼ିଓରେ ୟୁଟ୍ୟୁବର ସୀମା କନୋଜିୟା ରକ୍ତରେ ଜୁଡ଼ୁବୁଡ଼ୁ ନଜର ଆସୁଛନ୍ତି । ତାଙ୍କ ଚୁଟି ଏପଟସେପଟ ହୋଇଥିଲା ଏବଂ ତାଙ୍କ ମୁହଁରୁ ରକ୍ତ ବାହାରୁଛି । ତା’ପରେ ସେ ରିଲ୍ କରୁଥିବା ନଜର ଆସୁଛନ୍ତି ।
ୟୁଟ୍ୟୁବର ସୀମା କନୋଜିୟାଙ୍କ ବହୁ ଭିଡ଼ିଓ ସୋସିଆଲ ମିଡ଼ିଆରେ ଦେଖିଥିବେ । ଯେଉଁଥିରେ କେବେ ସେ ରେଲଓ୍ବେ ଷ୍ଟେଶନ ଏବଂ ମଝି ରାସ୍ତାରେ ପଡ଼ି ଡ୍ୟାନ୍ସ କରୁଥିବା ନଜର ଆସୁଛନ୍ତି । ସେହିଭଳି କେବେ ଅଜବଗଜବ କାର୍ଯ୍ୟ ଦେଖିବାକୁ ମିଳିଥାଏ । ନିକଟରେ ଭାଇରାଲ ହୋଇଥିବା ଏହି ଭିଡ଼ିଓରେ ସୀମା କନୋଜିୟା ସମ୍ପୂର୍ଣ୍ଣ ଭାବେ ଗୁରୁତର ହୋଇଥିବା ନଜର ଆସୁଛନ୍ତି ।କୁହାଯାଉଛି କି ସେ ଏକ ସଡ଼କ ଦୁର୍ଘଟଣାର ଶିକାର ହୋଇଛନ୍ତି ଯେଉଁ କାରଣରୁ ତାଙ୍କର ଏହି ଅବସ୍ଥା ହୋଇଛି । ଭିଡ଼ିଓରେ ଦେଖାଯାଉଛି କି ସେ ଏବଂ ତାଙ୍କ ସାଥି ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ସମୟରେ ହସ୍ପିଟାଲରେ ପହଞ୍ଚି ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ୟୁଟ୍ୟୁବର ଚିକିତ୍ସା କରିବା ଜାଗାରେ ଫ୍ୟାନଙ୍କୁ ଟିକିନିଖ ଅପଡେଟ୍ ଦେଉଥିବା ନଜର ଆସୁଛନ୍ତି । ଏହାକୁ ନେଇ ଲୋକ ଭିନ୍ନ ଭିନ୍ନ କଥା କହୁଛନ୍ତି ।