ବହରାଇଚ୍ – ବହରାଇଚ ହିଂସାକାଣ୍ଡରେ ଉତ୍ତର ପ୍ରଦେଶ ଏସଟିଏଫ୍ ଓ ପୁଲିସର ବଡ଼ କାର୍ଯ୍ୟାନୁଷ୍ଠାନ। ପୁଲିସ ହିଂସାକାଣ୍ଡର ମୁଖ୍ୟ ଅଭିଯୁକ୍ତ ସରଫରାଜ ଓ ତାଲିବକୁ ଏନକାଉଣ୍ଟର କରି ଗିରଫ କରିଛି। ପୁଲିସ କାର୍ଯ୍ୟାନୁଷ୍ଠାନରେ ଉଭୟଙ୍କ ପାଦରେ ଗୁଳି ବାଜିଛି। ପୁଲିସ ଉଭୟଙ୍କୁ ପ୍ରଥମେ ନାନପାରା ସିଏଚସି ନେଇଛି ,ଏଠାରୁ ଜିଲ୍ଲା ହସ୍ପିଟଲାରରେ ଭର୍ତ୍ତି କରାଯାଇଛ। ଯେଉଁଥିରେ ସରଫରାଜର ସ୍ଥିତି ଗୁରୁତର ଥିବାର କୁହାଯାଉଛି।
ସୂଚନା ଆଧାରରେ , ଗୁରୁବାର ନାନପାରା କୋତବାଲୀର ନାନପାରା ବାଇପାସ ହାଡା ବସେହରି ନିକଟ ବହରାଇଚ ହିଂସାକାଣ୍ଡ ମାମଲାରେ, ଦୁଇ ଅଭିଯୁକ୍ତ ସରଫରାଜ ଓ ତାଲିବ ସହ ପୁଲିସ ଓ ଏସଟିଏଫର ମୁହାଁମୁହିଁ ହୋଇଥିଲା। ପୁଲିସକୁ ଦେଖିବା କ୍ଷଣି ଦୁଇ ଅଭିଯୁକ୍ତ ଫାୟାରିଂ ଆରମ୍ଭ କରି ଦେଇ ଥିଲେ। ଜବାବୀ କାର୍ଯ୍ୟାନୁଷ୍ଠାନରେ ପୁଲିସ ଓ ଏସଟିଏଫ୍ ମଧ୍ୟ ଫାୟାରିଂ ଆରମ୍ଭ କରି ଥିଲେ। ଏହି ସମୟରେ ପୁଲିସ ଉଭୟଙ୍କର ପାଦକୁ ଗୁଳି କରିଥିଲା। ଦୁହେଁ ଗୁଳି ମାଡ଼ରେ ତଳେ ଆହତ ହୋଇ ଖସି ପଡ଼ି ଥିଲେ। ଏହାପରେ ପୁଲିସ ଉଭୟଙ୍କୁ ଗିରଫ କରିଥିଲା।
ଆହତ ଅବସ୍ଥାରେ ଦୁଇ ଅଭିଯୁକ୍ତଙ୍କୁ ପ୍ରଥମେ ନାନପାରା ସିଏଚସି ପରେ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି। ହସ୍ପିଟାଲରେ ଅଭିଯୁକ୍ତଙ୍କୁ ଭର୍ତ୍ତି କରାଇବା ପରେ ଏଠାରେ ଖୁବ୍ ପୁଲିସ ଫୋର୍ସ ମତୟନ କରାଯାଇଛି। ସିଏଚସି ଓ ଜିଲ୍ଲା ହସ୍ପିଟାଲରେ କାହାକୁ ବି ପ୍ରବେଶ କରିବାକୁ ବାରଣା କରାଯାଇଛି।