ଭୁବନେଶ୍ୱର,୧୭/୧୦: ଟ୍ରେନ୍ ଟିକେଟ୍ ବୁକିଂରେ ଭାରତୀୟ ରେଳ କଲା ବଡ଼ ପରିବର୍ତ୍ତନ । ଏଣିକି ୧୨୦ ଦିନ ନୁହେଁ ୬୦ ଦିନ ପୂର୍ବରୁ କରିପାରିବେ ଆଡଭାନ୍ସ ବୁକିଂ। ୨ ମାସକୁ ସମୟ ସୀମା ହ୍ରାସ ନେଇ ରେଲୱେ ବୋର୍ଡ ପକ୍ଷରୁ ପ୍ରକାଶ ପାଇଲା ବିଜ୍ଞପ୍ତି । ଏହି ନୂଆ ନିୟମ ଆସନ୍ତା ନଭେମ୍ବର ୧ ତାରିଖରୁ ଲାଗୁ ହେବ ।
ଅକ୍ଟୋବର ୧୭ ତାରିଖରେ ରେଲୱେ ବୋର୍ଡ ପକ୍ଷରୁ ଲାଗୁ ହୋଇଥିବା ଏକ ଚିଠିରେ ଏନେଇ ସୂଚନା ଦିଆଯାଇଛି । ତାଜ୍ ଏକ୍ସପ୍ରେସ୍ ଏବଂ ଗୋମତି ଏକ୍ସପ୍ରେସ୍ ଭଳି କିଛି ଏକ୍ସପ୍ରେସ୍ରେ କୌଣସି ପରିବର୍ତ୍ତନ ହେବ ନାହିଁ । ଏହା ସହ ବିଦେଶୀ ପର୍ଯ୍ୟଟକଙ୍କ ପାଇଁ ୩୬୫ ଦିନର ସୀମାରେ ମଧ୍ୟ କୌଣସି ପରିବର୍ତ୍ତନ କରାଯିବ ନାହିଁ ।