ମୁମ୍ବାଇ,୨୭/୭: ମୁମ୍ବାଇରେ ଅଘଟଣ । ଭୁଶୁଡିଲା ତିନି ମହଲା କୋଠା। ଫଳରେ ଏକାଧିକ ଲୋକ କୋଠା ତଳେ ଚାପି ହୋଇ ରହିଥିବା ଅନୁମାନ କରାଯାଉଛି । ଏନେଇ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଥିବା ବେଳେ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ଏଥିରେ ଏନଡିଆରଏଫ, ଅଗ୍ନିଶମ ବାହିନୀ ପ୍ରମୁଖ ସାମିଲ ହୋଇଛନ୍ତି। ତେବେ ବିଲ୍ଡିଂର ଭଗ୍ନାବଶେଷ ତଳୁ ୨ ଜଣଙ୍କୁ ଜୀବନ୍ତ ଅବସ୍ଥାରେ ଉଦ୍ଧାର କରାଯାଇଥିବା ବେଳେ ସେମାନଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରାଯାଇଛି। ସେମାନେ ସୁରକ୍ଷିତ ଥିବା ଜଣାଯାଇଛି।
ସୂଚନା ମୁତାବକ, ଆଜି ଭୋର ପ୍ରାୟ ୫ଟା ବେଳେ ବିଲ୍ଡିଂ ଭୁଶୁଡ଼ି ପଡ଼ିଥିବା ଖବର ଅଗ୍ନିଶମ ବାହାନୀକୁ ମିଳିଥିଲା। ଏହାପରେ ତୁରନ୍ତ ଘଟଣାସ୍ଥଳରେ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିବା ଅଧିକାରୀ କହିଛନ୍ତି। ଏହି ଅଘଟଣ ପରେ ବହୁ ଲୋକଙ୍କ ପତ୍ତା ମିଳୁ ନ ଥିବା ବେଳେ ସେମାନଙ୍କ ତଲାସୀ ଜାରି ରହିଛି। ଏଥିସହ ୨ ଜଣ ଉଦ୍ଧାର ହେବା ପରେ ଆହତଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରାଯାଇଛି। ସେହିପରି ଭଗ୍ନାବଶେଷ ତଳେ ଆହୁରି ବହୁ ଜଣ ଦବିଥିବା ଅନୁମାନ କରାଯାଉଛି।ତେଣୁ ସେମାନଙ୍କୁ ଉଦ୍ଧାର ପରେ ଆହତଙ୍କୁ ମେଡିକାଲ ନେବା ନିମନ୍ତେ ଆମ୍ବୁଲାନ୍ସ ପ୍ରସ୍ତୁତ ହୋଇଥିବା ମଧ୍ୟ ସୂଚନା ମିଳିଛି ।