ମାଲକାନଗିରି : ୫ ମହିଳା ମାଓବାଦୀଙ୍କ ଆତ୍ମସର୍ମପଣ। ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ନକ୍ସଲ ପ୍ରଭାବିତ ନାରାୟଣପୁର ଜିଲ୍ଲା ପୋଲିସ କାର୍ଯ୍ୟାଳୟରେ ମାଓ ସଙ୍ଗଠନରେ ସକ୍ରିୟ ଥିବା , ପାଞ୍ଚଜଣ ଇନାମୀ ମହିଳା ମାଓବାଦୀ ପୋଲିସ ନିକଟରେ କରିଛନ୍ତି ଆତ୍ମସମର୍ପଣ। ଏହି ମାଓବାଦୀ ମାନେ ହେଲେ ଲକ୍ଷ୍ମୀ ଭାଞ୍ଜାମୀ, ସନି ଓରଫ ଜାମଲି ପୋଡିୟମ, ଅନିତା ଉସେଣ୍ଡି, ସୁକୟ ପୋଡିୟମ ଏବଂ କୁମ୍ମେ ପୋଡିୟମ।
ପ୍ରତ୍ୟେକ ମାଓବାଦୀଙ୍କ ନାଁ ୧ ଲକ୍ଷ ଲେଖାଏଁ ମୋଟ ୫ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇ ଥିଲା। ତେବେ ଏମାନେ ଦୀର୍ଘ ବର୍ଷ ଧରି ମାଓ ସଙ୍ଗଠନରେ କାର୍ଯ୍ୟ କରୁଥିବା ବେଳେ ମାଓ ସଙ୍ଗଠନ ନିଜର ସ୍ଥିତି ଓ ନୀତି ଆଦର୍ଶ ହରାଉ ଥିବାରୁ, ଏମାନେ ଆତ୍ମସମର୍ପଣ କରି ସମାଜର ମୁଖ୍ୟସ୍ରୋତରେ ସାମିଲ ହେବାକୁ ନିଷ୍ପତ୍ତି ନେଇଥିବା ପ୍ରକାଶ କରିଛନ୍ତି।
ସରକାରଙ୍କ ଥଇଥାନ ନୀତି ଅନୁଯାୟୀ ପ୍ରତ୍ୟେକଙ୍କୁ ୨୫ ହଜାର ଟଙ୍କାର ପ୍ରୋତ୍ସାହନ ରାଶିର ଚେକ୍ ଆକାରରେ ଦିଆଯାଇଥିବା ବେଳେ , ସରକାରଙ୍କ ପୁନର୍ବାସ ଯୋଜନାରେ ସମସ୍ତ ସୁବିଧା ଯୋଗାଇ ଦିଆଯିବ ବୋଲି ପୋଲିସ ପକ୍ଷରୁ କୁହାଯାଇଛି।
