ମାଲକାନଗିରି - ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟରେ ମାଓବାଦୀ ଯବାନଙ୍କୁ ଟାର୍ଗେଟ କରି ଖଞ୍ଜି ଥିବା ପ୍ରେସର ମାଇନ ବିସ୍ଫୋରଣ ହୋଇଛି। ଏଥିରେ ଜଙ୍ଗଲରେ ମହୁଲ ସଂଗ୍ରହ କରୁଥିବା ଜଣେ ଆଦିବାସୀ ଯୁବକଙ୍କ ମୃତ୍ୟୁ ହୋଇଥିବା ବେଳେ, ଅନ୍ୟଜଣେ ଗୁରୁତର ହୋଇଛନ୍ତି।
ସୀମାନ୍ତ ନାରାୟଣପୁର ଜିଲ୍ଲା କୁତଙ୍ଗ ଜଙ୍ଗଲ ନିକଟସ୍ଥ ଗ୍ରାମର ଦୁଇଜଣ ଆଦିବାସୀ ଯୁବକ ଜଙ୍ଗଲକୁ ମହୁଲ ସଂଗ୍ରହ ପାଇଁ ଯାଇ ଥିଲେ, ପୂର୍ବରୁ ଯବାନ ମାନଙ୍କୁ ଟାର୍ଗେଟ କରି ମାଓବାଦୀ ଖଞ୍ଜି ଥିବା ପ୍ରେସର ମାଇନ ଉପରେ ଏହି ଦୁଇଜଣ ଯୁବକଙ୍କ ପାଦ ପଡି ଯିବାରୁ ହଠାତ୍ ବିସ୍ଫୋରଣ ଘଟିଥିଲା, ଏହି ବିସ୍ଫୋରଣରେ ଜଣେ ଯୁବକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି।
ଏ ସମ୍ପର୍କରେ ଗ୍ରାମବାସୀ ନିକଟସ୍ଥ ସିଆରପିଏଫ କ୍ୟାମ୍ପରେ ଜଣାଇବା ପରେ ସିଆରପିଏଫ ଯବାନ ମାନେ ଘଟଣା ସ୍ଥଳରେ ପହଁଚି, ଆହତ ଯବାନଙ୍କୁ ନାରାୟଣପୁର ଜିଲ୍ଲା ହସ୍ପିଟାଲକୁ ନେଇ ଚିକିତ୍ସା ଚଲାଇଛନ୍ତି।
