ଭୁବନେଶ୍ଵର, ୧୮/୦୩ : ଘାଟିକିଆରେ ମର୍ମନ୍ତୁଦ ଦୁର୍ଘଟଣା। ଯୁବକଙ୍କ ଉପରେ ଚଢିଗଲା କଲେଜ ବସ୍। ଘଟଣାସ୍ଥଳରେ ଚାଲିଗଲା ଜୀବନ। ଯୁବକ ଜଣଙ୍କ ହେଉଛନ୍ତି ପାଇକରାପୁର ଗାଁର ସୌମ୍ୟରଞ୍ଜନ ସାହୁ (୩୩ ବର୍ଷ)।
ସୂଚନାନୁଯାୟୀ, ମଙ୍ଗଳବାର ସକାଳେ ପାଇକରାପୁର ଗାଁର ସୌମ୍ୟରଞ୍ଜନ ସାହୁ ଜଗନ୍ନାଥ ବିହାରରେ ଥିବା ନିଜ ଦୋକାନ ଖୋଲିବାକୁ ଯାଉଥିଲେ। ପାଇକରାପୁର ରୋଡରେ ତାଙ୍କ ଉପରେ ଏକ କଲେଜ ବସ୍ ପଛପଟୁ ଚଢି ଯାଇଥିଲା। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ସ୍ଥାନୀୟ ଲୋକେ ଶବ ରଖି ରାସ୍ତାରୋକ କରିଛନ୍ତି। ବେପରୁଆ ଗାଡ଼ି ଚାଳନାକୁ ଦାୟୀ କରି ସମ୍ପୃକ୍ତ କଲେଜ ସମ୍ପୂର୍ଣ୍ଣ ଭରଣପୋଷଣ ଦେବା ପାଇଁ ସ୍ଥାନୀୟ ଲୋକ ଦାବି କରିଛନ୍ତି। ଉତ୍ତ୍ୟକ୍ତ ଲୋକେ ପୋଲିସକୁ ଶବ ଉଠାଇବାକୁ ଦେଉନାହାଁନ୍ତି।
ଏହି ଖବରଟିକୁ ପଢନ୍ତୁ-
