ଆନନ୍ଦପୁର, ୨୫/୦୪: ପ୍ରସ୍ତାବିତ ସ୍ଥାନରେ ଧାନମଣ୍ଡି ନିର୍ମାଣ କରିବା ପାଇଁ ଚାଷୀଙ୍କ ଦାବି । ଆନନ୍ଦପୁର ପୌରପରିଷଦ ପଦ୍ମପୁର ୧ ନଂ ଓ ୨ ନଂ ୱାର୍ଡର ଶତାଧିକ ଚାଷୀ ଶୁକ୍ରବାର ଉଭୟ ପୌର କାର୍ଯ୍ୟାଳୟ ଓ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଥିଲେ । ଦୀର୍ଘ ଦିନ ଧରି ବାରମ୍ବାର ଏହି ଘଟଣାକୁ ନେଇ ଦାବି ହୋଇ ଆସୁଥିଲେ ବି ପ୍ରଶାସନର ସ୍ଥାଣୁତା ଚାଷୀ ଅସନ୍ତୋଷର ମୁଖ୍ୟ କାରଣ ପାଲଟିଛି । ଯାହାର ପରିଣାମ ସ୍ୱରୂପ ଚାଷୀମାନେ ସରକାରୀ କାର୍ଯ୍ୟାଳୟ ଘେରାଓ କରିବ ଭଳି ପରିସ୍ଥିତି ସୃଷ୍ଟି ହୋଇଥିଲା ।
ତେବେ ଏହି ଘେରାଓ ସମୟରେ ଅସହ୍ୟ ତାତି ପ୍ରଭାବରେ ପଦ୍ମପୁର ଗ୍ରାମର ଚାଷୀ ଶିବ ପ୍ରସାଦ ସାହୁ ଆଚେତ ହୋଇପଡ଼ିଥିଲେ । ତାଙ୍କୁ ପୋଲିସ ଗାଡି ସହାୟତାରେ ଫକୀରପୁର ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ଚିକିତ୍ସା ଚାଲିଛି ।
