ହିନ୍ଦୁ ଧର୍ମରେ ପ୍ରତ୍ୟେକ ମାସର ଅମାବାସ୍ୟା ତିଥିର ମହତ୍ତ୍ୱ ଅଧିକ ରହିଛି । ଫାଲ୍ଗୁନ ମାସ କୃଷ୍ଣପକ୍ଷର ଅମାବାସ୍ୟା ତିଥିକୁ ବେଶ୍ ଅଧିକ ମହତ୍ତ୍ୱ ଦିଆଯାଇଛି । ଏହି ଅମାବାସ୍ୟା ତିଥିକୁ ଫାଲ୍ଗୁନୀ ଅମାବାସ୍ୟା ବୋଲି ବିବେଚନା କରାଯାଏ । ଦ୍ରିକ ପଞ୍ଚାଙ୍ଗ ଅନୁଯାୟୀ, ଚଳିତ ବର୍ଷ ଫେବୃୟାରୀ ମାସ ୨୭ ତାରିଖରେ ଅମାବାସ୍ୟା ପଡ଼ୁଛି । ଏହି ସ୍ନାନ ଏବଂ ଦାନ ଆଦି କରିବା ଦ୍ୱାରା ଅତ୍ୟନ୍ତ ଶୁଭଫଳ ପ୍ରାପ୍ତ ହୋଇଥାଏ । ଫାଲ୍ଗୁନୀ ଅମାବାସ୍ୟା ଦିନ ପିତୃ ପୁରୁଷଙ୍କ ଆତ୍ମାକୁ ଶାନ୍ତି ତଥା ମୋକ୍ଷ ଦେବା ପାଇଁ ଶ୍ରାଦ୍ଧ, ପିତୃ ତର୍ପଣ ଏବଂ ପିଣ୍ଡଦାନ ଇତ୍ୟାଦି କରାଯାଇଥାଏ । ଏହି ଦିନ ସ୍ନାନ ଏବଂ ଦାନ ଇତ୍ୟାଦି କରିବାର ଶୁଭ ମୁହୂର୍ତ୍ତ ବିଷୟରେ ଆସନ୍ତୁ ଜାଣିବା ।
ଦ୍ରିକ ପଞ୍ଚାଙ୍ଗ ଅନୁଯାୟୀ, ଫାଲ୍ଗୁନ ମାସର କୃଷ୍ଣପକ୍ଷ ଅମାବାସ୍ୟା ତିଥିର ଶୁଭାରମ୍ଭ ଫେବୃୟାରୀ ୨୭ ତାରିଖ ଦିନ ସକାଳ ୮ଟା ୫୪ ମିନିଟରୁ ଆରମ୍ଭ କରି ଏହାର ପରଦିନ ଅର୍ଥାତ ଫେବୃୟାରୀ ୨୮ ତାରିଖ ସକାଳ ୬ଟା ୧୪ ମିନିଟରେ ସମାପ୍ତ ହେବ । ତେଣୁ ଫେବୃୟାରୀ ୨୭ ତାରିଖ (ଗୁରୁବାର) ଦିନ ହିଁ ଫାଲ୍ଗୁନ ଅମାବାସ୍ୟା ପାଳନ କରାଯିବ । ଏହି ଦିନ ଶିଦ୍ଧ ଯୋଗ ହେଉଥିବାରୁ ଧର୍ମ କର୍ମ ଇତ୍ୟାଦି କାର୍ଯ୍ୟ କରିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଇଥାଏ ।
ଫାଲ୍ଗୁନ ଅମାବାସ୍ୟାରେ ସ୍ନାନ ଏବଂ ଦାନର ଶୁଭ ମୁହୂର୍ତ୍ତ-
ଫାଲ୍ଗୁନ ଅମାବାସ୍ୟା ଦିନ ସ୍ନାନ ଏବଂ ଦାନ ଇତ୍ୟାଦି କରିବା ପାଇଁ ବ୍ରହ୍ମ ମୁହୂର୍ତ୍ତକୁ ହିଁ ସର୍ବୋତ୍ତମ ସମୟ ବୋଲି ବିବେଚନା କରାଯାଇଥାଏ । ଏଦି ଦିନ ସକାଳ ୫ଟା ୦୮ ମିନିଟରୁ ୫ଟା ୫୮ ମିନିଟ ଯାଏଁ ବ୍ରହ୍ମ ମୁହୂର୍ତ୍ତର ସମୟ ରହିବ । ଏହି ସମୟ ଅବଧି ମଧ୍ୟରେ ଆପଣ ସ୍ନାନ ଦାନ ଇତ୍ୟାଦି କରିପାରିବେ । ସେହି ଦିନ ପୂର୍ବାହ୍ନ ୧୧ଟା ୧୧ ମିନିଟରୁ ଆରମ୍ଭ କରି ୧୨ ଟା ୫୭ ମିନିଟ ପର୍ଯ୍ୟନ୍ତ ମଧ୍ୟ ବ୍ରହ୍ମ ମୁହୂର୍ତ୍ତର ସମୟ ରହିବ । ଏହି ଦିନ ଅପରାହ୍ନ ୨ଟା ୨୯ ମିନିଟରୁ ଆରମ୍ଭ କରି ୩ଟା ୧୫ ମିନିଟ ପର୍ଯ୍ୟନ୍ତ ବିଜୟ ମୁହୂର୍ତ୍ତର ସମୟ ରହିବ ।
