ନୂଆଦିଲ୍ଲୀ: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଆଜି (ସୋମବାର) ତାଙ୍କ ପରିବାର ସହିତ ପ୍ରୟାଗରାଜ ମହାକୁମ୍ଭରେ ପହଞ୍ଚିଥିଲେ। ଏଠାରେ ସେ ତାଙ୍କ ପରିବାର ସହିତ ସଙ୍ଗମରେ ବୁଡ଼ ପକାଇଛନ୍ତି । ସଙ୍ଗମ କୂଳରେ ସ୍ନାନ କରିବା ପରେ, ସିନ୍ଦେ ଏକ ଜାତୀୟ ଗଣମାଧ୍ୟମ ସହ ଏକ ସ୍ୱତନ୍ତ୍ର ଆଲୋଚନାରେ ନିଜର ଅଭିଜ୍ଞତା ବାଣ୍ଟିଛନ୍ତି । ସେ କହିଛନ୍ତି ଯେ, ମହାକୁମ୍ଭର ଅଭିଜ୍ଞତା ବହୁତ ଭଲ ଥିଲା।
ଏହି ସମୟରେ ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି ଯେ,"ପ୍ରତ୍ୟେକ ବ୍ୟକ୍ତିଙ୍କ ଜୀବନରେ ସ୍ବପ୍ନ ରହିଥାଏ ମହାକୁମ୍ଭରେ ସ୍ନାନ କରିବା ପାଇଁ । ଏଠାରେ ସ୍ନାନ କରିବା ପରେ ମୋର ଜୀବନ ଧନ୍ୟ ହୋଇଗଲା।" ଯେତେବେଳେ ଏହି ପବିତ୍ର ସଙ୍ଗମରେ ସ୍ନାନ କରାଯାଏ, ଜୀବନ ସାର୍ଥକ ହୋଇଯାଏ। ଏହା ସହିତ,ସେ ମହାକୁମ୍ଭ ଆୟୋଜନ ପାଇଁ ୟୁପିର ଯୋଗୀ ସରକାରଙ୍କ ପ୍ରଶଂସା ମଧ୍ୟ କରିଛନ୍ତି ।
ୟୁପି ସରକାରଙ୍କ ପ୍ରଶଂସା କରି ସେ କହିଛନ୍ତି କି,"୧୪୪ ବର୍ଷରେ ଥରେ ହେଉଥିବା ଏହି ମହାକୁମ୍ଭରେ ୬୦ କୋଟିରୁ ଅଧିକ ଲୋକ ଏକାଠି ହୋଇଛନ୍ତି।" ଏହା କୌଣସି ଛୋଟ କଥା ନୁହେଁ। "ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି କାର୍ଯ୍ୟକ୍ରମକୁ ଏକ ସୁନ୍ଦର ଢଙ୍ଗରେ ଆୟୋଜନ କରୁଛନ୍ତି ଏବଂ ମହାକୁମ୍ଭରେ ଲୋକଙ୍କ ସମ୍ପୂର୍ଣ୍ଣ ଯତ୍ନ ନେବା ପାଇଁ ଦିନରାତି କଠିନ ପରିଶ୍ରମ କରୁଛନ୍ତି।" ଏକନାଥ ସିନ୍ଦେଙ୍କ ଅନୁଯାୟୀ, ମହାକୁମ୍ଭରେ ପରିଷ୍କାର ପରିଚ୍ଛନ୍ନତା ରହିଛି ଏବଂ ପାଣି ପାଇଁ ଏକ ଉତ୍ତମ ବ୍ୟବସ୍ଥା ଅଛି। ମହାକୁମ୍ଭର ମହା ଆୟୋଜନ ପାଇଁ ସେ ମୁଖ୍ୟମନ୍ତ୍ରୀ ଯୋଗୀଙ୍କୁ ଅଭିନନ୍ଦନ ଜଣାଇଛନ୍ତି ।
