ନୂଆଦିଲ୍ଲୀ: ଶେଷରେ ସଫା ହେଲା ଯୁଦ୍ଧ ବନ୍ଦ ର ରାସ୍ତା। ଏନେଇ ୟୁକ୍ରେନ ଆଜି ପ୍ରାଥମିକ ସ୍ତରରେ ଘୋଷଣା କରିଛି। ଏହି ପରିପ୍ରେକ୍ଷିରେ ୟୁକ୍ରେନର ରାଷ୍ଟ୍ରପତି ଭ୍ଲୋଦୋମିର ଜେଲେନ୍କି ସୋମବାର ସମସ୍ତ ଯୁଦ୍ଧବନ୍ଦୀଙ୍କୁ ଋଷିଆ ସହ ବଦଳ କରିବାକୁ ଘୋଷଣା କରିଛନ୍ତି। ଚାଲୁରହିଥିବା ଋଷିଆ-ୟୁକ୍ରେନ ଯୁଦ୍ଧ ଭିତରେ ସରକାରଙ୍କ ଏଭଳି ନିଷ୍ପତ୍ତି ଯୁଦ୍ଧ ବନ୍ଦ ଆଡକୁ ଇସାରା କରୁଛି ବୋଲି ଖବର ସରବରାହ ସଂସ୍ଥା ଏଏଫପି ଘୋଷଣା କରିଛି।
ଋଷିଆ-ୟୁକ୍ରେନ ଯୁଦ୍ଧର ତିନିବର୍ଷ ପୂର୍ତ୍ତି ଅବସରରେ କିଭ୍ ରେ ହୋଇଥିବା ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଯୋଗ ଦେଇ ଜେଲେନ୍କି “ୟୁକ୍ରେନୀୟ ମାନଙ୍କୁ ଋଷିଆ ଆଗ ମୁକ୍ତ କରୁ। ୟୁକ୍ରେନ ମଧ୍ୟ ଋଷିୟ ବନ୍ଦୀଙ୍କୁ ଅଦଳ ବଦଳ କରିବ। ଏହା ହିଁ ସଠିକ ଉପାୟ ଯେଉଁଠୁ ଏହି ପ୍ରକ୍ରିୟା ଆରମ୍ଭ ହେବ ବୋଲି” କହିଛନ୍ତି।
ଆପଣଙ୍କୁ ଜଣାଇ ରଖୁ ଯେ ଗତବର୍ଷ ଅକ୍ଟୋବର ମାସରେ ୟୁଏଇ ସହାୟତାରେ ୯୫ ଜଣ ଯୁଦ୍ଧ ବନ୍ଦିଙ୍କୁ ଋଷିଆ ଓ ୟୁକ୍ରେନ ପରସ୍ପର ସହ ଅଦଳବଦଳ କରିଥିଲେ। ତେବେ ଗତ ବର୍ଷ ସେପ୍ଚେମ୍ୱର ମାସରେ ଉଭୟ ଦେଶ ଅଧିକାରୀ ପରସ୍ପର ସହ କଥା ହୋଇ ୧୦୩ ଯୁଦ୍ଧ ବନ୍ଦୀଙ୍କୁ ମୁକ୍ତ କରିଥିଲେ। ୨୦୨୨ ମସିହାରୁ ଯୁଦ୍ଧ ଆରମ୍ଭ ହେବାଠୁ ଆଜିଯାଏ ଉଭୟ ଦେଶ ମୋଟ ୫୮ ଥର ଯୁଦ୍ଧ ବନ୍ଦୀ ଅଦଳ ବଦଳ କରିସାରିଲେଣି ବୋଲି ୟୁକ୍ରେନ ସଂସଦର ମାନବ ଅଧିକାର କମିଶନର ଦିମିତ୍ରୋ ଲୁବିନେଟ୍ସ ସୂଚନା ପ୍ରଦାନ କରିଛନ୍ତି।
ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଇ ଦେଶ ମଧ୍ୟରେ ଯୁଦ୍ଧ ବନ୍ଦ କରିବାକୁ ଉଭୟ ଦେଶ ସହ କଥା ହୋଇଛନ୍ତି। ଏହାକୁ ନେଇ ଗତ ୧୮ ଫେବୃଆରିରେ ସାଉଦି ଆରବରେ ଆମେରିକା ଓ ଋଷର ଆଧିକାରି ମାନଙ୍କ ମଧ୍ୟରେ ଏକ ଉଚ୍ଚ ସ୍ତରିୟ ବୈଠକ ମଧ୍ୟ ହୋଇଥିଲା। ଏହାପରେ ଆମେରିକାର ବୈଦ୍ଶିକ ସଚିବ ୟୁକ୍ରେନ ଗ୍ରସ୍ତ କରିଥିଲେ। ତେବେ ୟୁକ୍ରେନର ଏହି ନିଷ୍ପତ୍ତି ପରେ ଉଭୟ ଦେଶ ମଧ୍ୟରେ ଚାଲୁଥିବା ଯୁଦ୍ଧର ଅନ୍ତ ହେବ ବୋଲି ଆଶାବ୍ୟକ୍ତ କରାଯାଉଛି।
