କଟକ, ୧୮/୦୭ : କଟକ ଜଗତପୁର ଅଞ୍ଚଳରୁ ନକଲି ଚା' ପତି କମ୍ପାନୀ ଠାବ। ବିପୁଳ ପରିମାଣର ନକଲି ଟାଟା ଚା ପତି ଜବତ ହୋଇଛି। ସିଏମ୍ସି ଓ ସିଡିଏର ଏନଫୋର୍ସମେଣ୍ଟ ଟିମ୍ ପକ୍ଷରୁ ଚଢାଉ କରାଯାଇଛି।
ସୂଚନାନୁଯାୟୀ, ୪୮ ନମ୍ବର ୱାର୍ଡ ଲକ୍ଷ୍ମଣପୁର ପଟ୍ଟାମୁଣ୍ଡେଇ କେନାଲ ପାର୍ଶ୍ଵ ଏକ ଜବରଦଖଲ ସରକାରୀ ଜମିରେ ଥିବା ଏକ ଘରେ ୩ ବର୍ଷ ହେବ ନକଲି ଚା ପତି କମ୍ପାନୀ ଚାଲିଥିଲା। ସିଏମ୍ସି ଓ ସିଡିଏର ଏନଫୋର୍ସମେଣ୍ଟ ଟିମ୍ ପକ୍ଷରୁ ଘର ଭାଙ୍ଗିବା ସମୟରେ ଏହି କମ୍ପାନୀ ଠାବ ହୋଇଛି। ବିଭିନ୍ନ ନାମୀଦାମୀ କମ୍ପାନୀର ନକଲି ପ୍ୟାକେଟ କରି ଚା ପତି ପ୍ୟାକିଂ କରାଯାଉଥିବା ଜଣାପଡ଼ିଛି।