ନୂଆଦିଲ୍ଲୀ, ୧୦/୧୦ : ନୂଆଦିଲ୍ଲୀର ରମେଶ ନଗରରେ ପୋଲିସ ୨୦୦୦କୋଟିର କୋକିନ ଜବତ କରିଛି । ଡ୍ରଗ୍ସ ନେଇଥିବା ବ୍ୟକ୍ତି ଲଣ୍ଡନ ଫେରାର ହୋଇଯାଇଛନ୍ତି । ଜବତ ହୋଇଥିବା କୋକିନର ଓଜନ ପ୍ରାୟ ୨୦୦କେଜି ବୋଲି କୁହାଯାଉଛି । ଯେଉଁ କାରରେ କୋକିନ ଅଣାଯାଇଥିଲା ସେଥିରେ ଜିପିଏସ ଲାଗିଥିଲା । ପୋଲିସ କୋକିନ ଚୋରା ଚାଲାଣକାରୀଙ୍କୁ ଗିରଫ ଲାଗି ଚଢଉ ଜାରି ରଖିଛି ।
ପୋଲିସ ଜିପିଏସ ଲୋକେଶନକୁ ଟ୍ରାକ୍ କରି ପହଞ୍ଚିଥିଲା । ଏହି କୋକିନ ବି ଉକ୍ତ ସିଣ୍ଡିକେଟର ଅଟେ ଯାହାଙ୍କୁ ୫୬୦୦କୋଟିର କୋକିନ ସହ ଧରାଯାଇଥିଲା । ଏବେ ପର୍ଯ୍ୟନ୍ତ ପ୍ରାୟ ୭୬୨କିଲୋ କୋକିନ ଜବତ କରାଯାଇଛି । ଏହି କୋକିନର ଦେଶରେ ସବୁଠାରୁ ବଡ଼ ଧରଣର ବୋଲି କୁହାଯାଏ ।
ଏହା ପୂର୍ବରୁ ପଞ୍ଜାବରେ ଏକ ବଡ଼ ଡ୍ରଗ୍ସ ସିଣ୍ଡିକେଟର ଖୁଲାସା ହୋଇଥିଲା । ୫୬୦୦କୋଟିର ଡ୍ରଗ୍ସ ସିଣ୍ଡିକେଟ ମାମଲାରେ ପ୍ରାୟ ୧୦କୋଟିର କୋକିନ ପଞ୍ଜାବରୁ ଜବତ ହୋଇଥିଲା । ଦୁବାଇ ଏବଂ ୟୁକେରୁ ବଡ଼ ଧରଣର ବ୍ୟବସାୟ କରିବାକୁ ଟାର୍ଗେଟ ସିଣ୍ଡିକେଟକୁ ମିଳିଥିଲା ।
