ଉଦଳା,୦୪/୧୦: ନବଜାତକ ଶିଶୁ ପୁତ୍ରକୁ ପୋଲ ତଳେ ଛାଡି ଚାଲିଗଲା ମା । ଅଠଣଗାଁ ନଦୀ ପୋଲ ତଳେ ଏମିତି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି । ଗୁରୁବାର ସକାଳ ସମୟରେ ନଦୀରେ ଲୋକ ଗାଧୋଉଥିବା ସମୟରେ ଏକ ପଥର ସନ୍ଧିରେ ନବଜାତ ଶିଶୁଟି କାନ୍ଦୁଥିବାର ଶୁଣିବାକୁ ପାଇଥିଲେ ସ୍ଥାନୀୟଲୋକେ । ଗାଁ ଲୋକ ସେଠାକୁ ଯାଇ ଦେଖିଥିଲେ । ସେଠାରେ ଏକ ନବଜାତ ଶିଶୁ ପୁତ୍ର ଏକ ବ୍ୟାଗରେ ଭିତରେ କାନ୍ଦୁଥିବାର ଦେଖିବାକୁ ପାଇଥିଲେ । ଏହା ଦେଖି ତୁରନ୍ତ ଗାଁ ଲୋକେ ଶିଶୁଟିକୁ ଉଦ୍ଧାର କରିଥିଲେ ।  ଗାଁ ଲୋକଙ୍କ ଭିତରୁ ତାପସ ସେନାପତି ଓ ରୀନାରାଣୀ ସଙ୍ଗେ ସଙ୍ଗେ ପିଲାଟିକୁ ଉଦଳା ଡାକ୍ତରଖାନାକୁ ନେଇ ଆସିଥିଲେ । ଉଦଳା ଡାକ୍ତରଖାନାରେ ଶିଶୁଟିକୁ ଆଇ.ସି.ୟୁରେ ରଖାଯାଇଥିବା ବେଳେ ଶିଶୁଟି ସୁସ୍ଥ ଥିବାର ଡାକ୍ତର କହିଛନ୍ତି ।