ମୁମ୍ବାଇ: ବିଧାନସଭା ନିର୍ବାଚନ ପୂର୍ବରୁ ମହାରାଷ୍ଟ୍ର ପ୍ରଦେଶ କଂଗ୍ରସେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଦଳ ବିରୋଧୀ କାର୍ଯ୍ୟକଳାପ ପାଇଁ ଅମରାବତୀର ବିଧାୟକଙ୍କୁ ୬ ବର୍ଷ ଲାଗି ପାର୍ଟିରୁ ନିଲମ୍ବିତ କରିଦେଇଛି କଂଗ୍ରେସ । ମିଳିଥିବା ସୂଚନା ଅନୁସାରେ, ବିଧାୟିକା ସୁଲଭା ଖୋଡ଼କେଙ୍କ ସ୍ବାମୀ ଏନସିପି ନେତା ଏବଂ ଉପମୁଖ୍ୟମନ୍ତ୍ରୀ ଅଜିତ ପାଓ୍ବାରଙ୍କ ନିକଟତର ବୋଲି ଜଣାପଡ଼ିଛି ।
ବିଧାନ ପରିଷଦ ନିର୍ବାଚନ ସମୟରେ କ୍ରସ ଭୋଟିଂରେ ସାମିଲ ଥିବା ୭ ବିଧାୟକଙ୍କ ମଧ୍ୟରେ ସୁଲଭା ଖୋଡ଼କେ ସାମିଲ ଥିଲେ । ଏଥିପାଇଁ ମହା ବିକାଶ ଅଘାଡ଼ି (ଏମଭିଏ) ପ୍ରାର୍ଥୀ ଜୟନ୍ତ ପାଟିଲ ପରାସ୍ତ ହୋଇଥିଲେ । ମହାରାଷ୍ଟ୍ର ପ୍ରଦେଶ କଂଗ୍ରେସ ଅଧ୍ୟକ୍ଷ ନାନା ପାଟୋଲେ କହିଛନ୍ତି ଯେ, ଦଳ ବିରୋଧୀ କାର୍ଯ୍ୟରେ ଲିପ୍ତ ଥିବା ନେଇ ଖୋଡ଼କେଙ୍କ ବିରୋଧରେ ବହୁ ଅଭିଯୋଗ ମିଳିଥିଲା । ତାଙ୍କୁ ଦଳରୁ ନିଲମ୍ବିତ କରିବା ଲାଗି ଦଳର ମହାରାଷ୍ଟ୍ର ପ୍ରଭାରୀ ରମେଶ ଚେନ୍ନିଥାଲା ନିଷ୍ପତ୍ତି ନେଇଛନ୍ତି ।
ମିଳିଥିବା ସୂଚନା ଅନୁସାରେ, ଖୋଡକେଙ୍କ ସ୍ବାମୀ ଅଜିତ ପାଓ୍ବାରଙ୍କ ନିକଟତମ ସହଯୋଗୀ । ଏପରିକି ଖୋଡକେ ମଧ୍ୟ ଅଜିତ ପାଓ୍ବାରଙ୍କ ଦଳ ଏନସିପିରେ ସାମିଲ ହୋଇପାରନ୍ତି ।
