ଫିରିଙ୍ଗିଆ, ୧୫/୦୪: କନ୍ଧମାଳ ଜିଲ୍ଲାର ଫିରିଙ୍ଗିଆ ବ୍ଲକ କଂଗ୍ରେସ ତରଫରୁ  ମହିଳାଙ୍କ ସୁରକ୍ଷା  ନେଇ ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି I ତେବେ ରାଜ୍ୟରେ ମହିଳାଙ୍କ ସୁରକ୍ଷା ଦିଗରେ ରାଜ୍ୟ ସରକାରଙ୍କ ବିଫଳତାକୁ ଦର୍ଶାଇ ଓ ରାଜ୍ୟରେ ମହିଳାଙ୍କ ସୁରକ୍ଷା, ଜାଳେଣି ଗ୍ୟାସରେ ଅହେତୁକ ଦରବୃଦ୍ଧି ପ୍ରତିବାଦରେ ଏହି ଶୋଭାଯାତ୍ରା ଆୟୋଜିତ ହୋଇଥିଲା। 

ରାଷ୍ଟ୍ରୀୟ ମଜଦୁର କଂଗ୍ରେସ ର କନ୍ଧମାଳ ଜିଲ୍ଲା ସଭାପତି ଘନ କୁମାର ଶବର ଙ୍କ ନେତୃତ୍ୱ ରେ ଏହି ଶୋଭାଯାତ୍ରା ଅନୁଷ୍ଠିତ ହୋଇଥିଲା।  ଅନ୍ୟମାନଙ୍କ ମଧ୍ୟ୍ୟରେ ଏହି ଶୋଭାଯାତ୍ରା ରେ ଫିରିଙ୍ଗିଆ ଅଂଚଳର ବରିଷ୍ଠ କଂଗ୍ରେସ ନେତା ତଥା ପୂର୍ବତନ ଜିଲ୍ଲା ସଭାପତି ଅନାମ ନାଏକ ଙ୍କ ସହ ଅଂଚଳର ଶତାଧିକ କଂଗ୍ରେସ ନେତା ଓ କର୍ମୀ ଉପସ୍ଥିତ ଥିଲେ I ତେବେ ଏହି ମଶାଲ ଶୋଭାଯାତ୍ରା ଟି ସ୍ଥାନୀୟ ପୀତବାଳି ମନ୍ଦିର ରୁ ବାହାରି ସହରର ମୁଖ୍ୟ ରାସ୍ତା ହୋଇ ବ୍ଲକ ଛକ ନିକଟରେ ପହଞ୍ଚିଥିଲା I ବ୍ଲକ ଛକରେ କଂଗ୍ରେସ କର୍ମୀମାନେ ବିକ୍ଷୋଭ ପ୍ରଦର୍ଶନ କରିଥିଲେ I