ଜଳେଶ୍ବର,୬।୬ : ସାବିତ୍ରୀ ବ୍ରତକୁ ନେଇ ତୁମୁଳକାଣ୍ଡ । ପୂଜକଙ୍କୁ ନେଇ ଦୁଇ ମହିଳା ଗୋଷ୍ଠୀ ମଧ୍ୟରେ ସଂଘର୍ଷ । ବାଲେଶ୍ଵର ଜିଲ୍ଲା ଜଳେଶ୍ୱର ଥାନା ଅନ୍ତର୍ଗତ ମହୁଲିଆ ଗ୍ରାମରେ ଏହ ଘଟଣା ଦେଖିବାକୁ ମିଳିଛି। ଘଟଣା ସ୍ଥଳରେ ଜଳେଶ୍ୱର ପୋଲିସ ମୁତୟନ ହୋଇ ପରିସ୍ଥିତି ଉପରେ ନଜର ରଖିଛି।
ମହୁଲିଆ ଗ୍ରାମର କିଛି ମହିଳା ଜଣେ ପୂଜକଙ୍କ ପାଖରେ ସାବିତ୍ରୀ ପୂଜା କରିବା ପାଇଁ ଆସିଥିଲେ । ଅନ୍ୟ ଏକ ଗୋଷ୍ଠୀ ମହିଳା ଆଉ ଜଣେ ପୂଜକଙ୍କ ପାଖରେ ପୂଜା କରିବେ ବୋଲି କହିଥିଲେ । ସମାଧାନ ନହେବାରୁ ଉଭୟ ଗୋଷ୍ଠୀ ମଧ୍ୟରେ ସଂଘର୍ଷର ରୂପ ନେଇଥିଲା । ଖବର ପାଇ ଘଟଣା ସ୍ଥଳରେ ଜଳେଶ୍ୱର ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିବାକୁ ଚେଷ୍ଟା ଜାରି ରଖିଛି ।
ଆହୁରି ପଢନ୍ତୁ : ରାଜ୍ୟରେ ଚାଲୁ ରହିଛି BSKY ଯୋଜନା, ଅଭିଯୋଗ ପାଇଁ ଟୋଲ ଫ୍ରୀ ନମ୍ବର ଜାରି : ମୁଖ୍ୟ ଶାସନ ସଚିବ
