ନୂଆଦିଲ୍ଲୀ: ବଜାରରେ କ୍ରମାଗତ ବୃଦ୍ଧି ମଧ୍ୟରେ ଭାରତର ପ୍ରଧାନ ବିଚାରପତି ଡିଓ୍ବାଇ ଚନ୍ଦ୍ରଚୁଡ ଗୁରୁବାର ବଜାର  ନିୟାମକ SEBI ଏବଂ SAT କୁ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛନ୍ତି । ଜୁନ୍ ୪ ରେ ନିର୍ବାଚନ ଫଳାଫଳ ପରେ ସେନ୍ସେକ୍ସ ୧୦ ହଜାର ପଏଣ୍ଟ ଉପରକୁ ଉଠିଛି । ବୁଧବାର ପ୍ରଥମ ଥର ପାଇଁ ସେନ୍ସେକ୍ସ ୮୦ହଜାର ସଂଖ୍ୟାକୁ ଛୁଇଁଥିଲା । ନୂତନ ସିକ୍ୟୁରିଟି ଆପିଲ୍ ଟ୍ରିବ୍ୟୁନାଲ୍ (ସ୍ୟାଟ୍) କମ୍ପ୍ଲେକ୍ସର ଉଦଘାଟନ କରି ଜଷ୍ଟିସ୍ ଚନ୍ଦ୍ରଚୁଡ କର୍ତ୍ତୃପକ୍ଷଙ୍କୁ SAT ର ନୂତନ ବେଞ୍ଚ ଖୋଲିବାକୁ ବିଚାର କରିବାକୁ ଅନୁରୋଧ କରିଛନ୍ତି । କାରଣ ଅତ୍ୟଧିକ କାରବାର ଏବଂ ନୂତନ ନିୟମ ଯୋଗୁଁ କାର୍ଯ୍ୟଭାର ବୃଦ୍ଧି ପାଇଛି |

ରିପୋର୍ଟରେ ଦର୍ଶାଯାଇଛି ଯେ, ବିଏସଇ ୮୦ ହଜାର ଅଙ୍କ ଅତିକ୍ରମ କରିଛି, ସେ କହିଛନ୍ତି ଯେ, ଏହି ଘଟଣା ନିୟାମକ କର୍ତ୍ତୃପକ୍ଷଙ୍କ ଆବଶ୍ୟକତା ଉପରେ ଜୋର ଦେଇଥାଏ ଯେ, ବିଜୟ ମଧ୍ୟରେ ସମସ୍ତେ ନିଜର “ସନ୍ତୁଳନ” ବଜାୟ ରଖନ୍ତି । ଜଷ୍ଟିସ୍ ଚନ୍ଦ୍ରଚୁଡ ଆହୁରି କହିଛନ୍ତି ଯେ, “ଆପଣ ଷ୍ଟକ୍ ମାର୍କେଟରେ ଯେତେ ଅଧିକ ବୃଦ୍ଧି ଦେଖିବେ, ମୁଁ ବିଶ୍ୱାସ କରେ ଯେ, ସେବି ଏବଂ ସ୍ୟାଟ୍ ର ଭୂମିକା ସେତିକି ଅଧିକ ହେବ । ସେ କହିଛନ୍ତି ଯେ ଏକ ସ୍ଥିର ତଥା ପୂର୍ବାନୁମାନ ଯୋଗ୍ୟ ବିନିଯୋଗ ପରିବେଶକୁ ପ୍ରୋତ୍ସାହିତ କରିବାରେ ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ୍ ବୋର୍ଡ ଅଫ୍ ଇଣ୍ଡିଆ (ସେବି) ଏବଂ ସ୍ୟାଟ୍ ଭଳି ଆପିଲ୍ ଫୋରମ୍ଗୁ ଡ଼ିକର ଜାତୀୟ ମହତ୍ବ ରହିଛି।

SAT ର ପିଠାସୀନ ଅଧିକାରୀ, ଜଷ୍ଟିସ୍ ପି ଏସ ଦୀନେଶ କୁମାର କହିଛନ୍ତି ଯେ, SAT ରେ ୧୦୨୮ ଟି ଆବେଦନ ବିଚାରାଧୀନ ଅଛି । ୧୯୯୭ ରେ ଆରମ୍ଭ ହେବା ପରଠାରୁ, ଏହା ୬୭୦୦ରୁ ଅଧିକ ଆବେଦନକୁ ସମାଧାନ କରିଛି । ପ୍ରଧାନ ବିଚାରପତି ଏହା ମଧ୍ୟ କହିଛନ୍ତି ଯେ ଠିକ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ଆର୍ଥିକ କ୍ଷେତ୍ରରେ ତ୍ରୁଟି ସଂଶୋଧନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । SAT ର ନୂତନ ୱେବସାଇଟ୍ ଉନ୍ମୋଚନ କରି ଜଷ୍ଟିସ୍ ଚନ୍ଦ୍ରଚୁଡ କହିଛନ୍ତି ଯେ ଡିଜିଟାଲ୍ କ୍ଷେତ୍ରରେ ଅଗ୍ରଗତି ହେବା ସହିତ ନ୍ୟାୟ ପାଇବା ଧାରଣା ଉପରେ ପୁନର୍ବିଚାର କରିବାର ଆବଶ୍ୟକତା ରହିଛି ।