ଭୁବନେଶ୍ୱର,୦୪/୦୭: ସୁମା ରିୟଲ ମିଡିଆ ପ୍ରାଇଭେଟ ଲିମିଟେଡ (ଏସ୍ଆର୍ଏମ୍ପିଏଲ୍)ର ନୂଆ ସେଲ୍ସ ଡିଜିଏମ୍ ଭାବେ ବୁଧବାର ଯୋଗ ଦେଇଛନ୍ତି ଜ୍ୟୋତିର୍ମୟ ପାଣିଗ୍ରାହୀ । କମ୍ପାନିର ସିଇଓ ସୁନୀଲ ଦାସ, ଗ୍ରୁପ ଡାଇରେକ୍ଟର (ସେଲ୍ସ ଆଣ୍ଡ୍ ମାର୍କେଟିଂ) ହିମାଂଶୁ ହୋତା, ଡିଜିଏମ୍ ଏସ୍ଏଫ୍ ଅଲ୍ଲୀ, ଡିଜିଏମ୍ ସିଦ୍ଧାର୍ଥ ରାଏ ଏବଂ ଏଜିଏମ୍ ବିଶ୍ୱରୂପ ପରିଡାଙ୍କ ଉପସ୍ଥିତିରେ ଶ୍ରୀ ପାଣିଗ୍ରାହୀ କାର୍ଯ୍ୟାରମ୍ଭ କରିଛନ୍ତି । ତାଙ୍କୁ ଟିମ୍କୁ ସ୍ୱାଗତ କରିଥିଲେ ସିଇଓ ଶ୍ରୀ ଦାସ ଏବଂ ଗ୍ରୁପ ଡାଇରେକ୍ଟର ଶ୍ରୀ ହୋତା ।
ଶ୍ରୀ ପାଣିଗ୍ରାହୀ ସୁମା ରିୟଲ ମିଡିଆର ନୂଆ ବିଜ୍ନେସ ଏବଂ ଇଭେଣ୍ଟ କ୍ଷେତ୍ରରେ କାର୍ଯ୍ୟ କରିବେ । ବିଜ୍ଞାପନ ସେଲ୍ସ କ୍ଷେତ୍ରରେ ତାଙ୍କର ଦୀର୍ଘ ୨୨ ବର୍ଷର ଅଭିଜ୍ଞତା ରହିଛି । ଦୈନିକ ଖବରକାଜକ ଧରିତ୍ରୀ ଏବଂ ସକାଳ ଭଳି ଅନୁଷ୍ଠାନ ସହ ସେ ଜଡ଼ିତ ଥିଲେ । ପର୍ସନାଲାଇଜ୍ ସେବା ଏବଂ ମାର୍ଜିତ ବ୍ୟବହାର ଲାଗି ସେ ବିଜ୍ଞାପନଦାତାଙ୍କ ମଧ୍ୟରେ ବେଶ୍ ଗ୍ରହଣୀୟ ହୋଇପାରିଛନ୍ତି । ଶ୍ରୀ ପାଣିଗ୍ରାହୀଙ୍କ ସୁମା ରିୟଲ ମିଡିଆରେ ଯୋଗଦାନ ସେଲ୍ସ ଟିମ୍କୁ ଦୃଢ଼ କରିବ ବୋଲି କମ୍ପାନିର ବରିଷ୍ଠ ଅଧିକାରୀ କହିଛନ୍ତି ।