ନୂଆଦିଲ୍ଲୀ,୦୪/୦୭: ଚଳିତ ମାସ ୫ ତାରିଖରେ ସରକାର ୨୮ ହଜାର କୋଟିର ବଣ୍ଡ୍ ଜାରି କରିବେ । ରିଜର୍ଭ ବ୍ୟାଙ୍କ ଇଣ୍ଡିଆ ଏହାର ନିଲାମ କରିବ । ଏ ନେଇ ଅର୍ଥ ମନ୍ତ୍ରଣାଳୟ ପକ୍ଷରୁ ଘୋଷଣା କରାଯାଇଛି ।
୬ ହଜାର କୋଟି ଟଙ୍କାର ଏହାର ପ୍ରଥମ ଖେପ ୭.୦୨% ସୁଧହାର ଦେବ । ଏହାର ପରିପକ୍ୱ ଅବଧି ୨୦୨୭ ରହିବ । ସେହିଭଳି ୧୨ ହଜାର କୋଟି ଟଙ୍କାର ଦ୍ୱିତୀୟ ଖେପ ୭.୨୩% ସୁଧ ହାର ଦେବ । ଏହା ୨୦୩୯ରେ ପରିପକ୍ୱ ହେବ ଏବଂ ୧୦ ହଜାର କୋଟିର ତୃତୀୟ ଖେପ ପାଇଁ ୭.୩୦% ସୁଧହାର ନିର୍ଦ୍ଧାରିତ ହୋଇଛି । ଏହା ୨୦୫୩ରେ ପରିପକ୍ୱ ହେବ । ମୂଲ୍ୟ ଭିତ୍ତିକ ନିଲାମରେ ଏକାଧିକ ମୂଲ୍ୟ ପଦ୍ଧତିରେ ଏହାକୁ ନିଲାମ କରାଯିବ । ୩ଟି ଯାକ ପର୍ଯ୍ୟାୟରେ ଅତିରିକ୍ତ ୨ ହଜାର କୋଟିର ଅତିରିକ୍ତ ସବସ୍କ୍ରିପସନ ସୁବିଧା ମଧ୍ୟ ମିଳିବ । ନନ୍ କମ୍ପିଟେଟିଭ ବିଡିଂ ଫ୍ୟାସିଲିଟିରେ ଯୋଗ୍ୟ ବ୍ୟକ୍ତିବିଶେଷ ଏବଂ ସଂସ୍ଥାଗୁଡିକୁ ୫% ରାଶି ନିଲାମ କରାଯିବ ।
ଇଲେକ୍ଟ୍ରୋନିକ ଭାବେ ଇ-କୁବର ସିଷ୍ଟମରେ ଜୁଲାଇ ୫ରେ ଉଭୟ କମ୍ପିଟେଟିଭ ଏବଂ ନନ୍ କମ୍ପିଟେଟିଭ ବିଡ୍ ଡାକିବ ଆର୍ବିଆଇ । ନନ୍ କମ୍ପିଟେଟିଭ ବିଡ୍ ଲାଗି ପୂର୍ବାହ୍ନ ୧୦.୩୦ରୁ ୧୧ଟା ଯାଏ ସମୟ ରହିବ । ସେହିଭଳି ପୂର୍ବାହ୍ନ ୧୦.୩୦ରୁ ୧୧.୩୦ ଯାଏ କମ୍ପିଟେଟିଭ ବିଡ୍ ଦାଖଲ କରିହେବ । ୮ରେ ସଫଳ ବିଡରଙ୍କ ନାମ ଘୋଷଣା କରାଯିବ । ଆର୍ବିଆଇ ଗାଇଡ୍ଲାଇନ ଅନୁସାରେ ପ୍ରତିଭୂତିଗୁଡିକ ଯୋଗ୍ୟ ବିବେଚିତ ହେବେ ।
