କେନ୍ଦ୍ରାପଡା, ୭।୧୨ : ପଟ୍ଟାମୁଣ୍ଡାଇ ଥାନା ବଡପଦା ଗାଁରେ ଅଭାବନୀୟ ଘଟଣା ଘଟିଛି। ବରଯାତ୍ରୀଙ୍କୁ ପେଟ୍ରୋଲ ବାଣ୍ଟିବା ବେଳେ ନିଆଁ ଲାଗି ୫ ବର୍ଷର ଶିଶୁର ମୃତ୍ୟୁ ଘଟିଥିବା ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି। ଏଥିସହ ଦୁଇ ବଖରା ଘର ସହ ବାହାଘର ଟେଣ୍ଟ ମଧ୍ୟ ଜଳିଯାଇଛି। ଗୁରୁତର ୨ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତ ଶିଶୁଟି ବାହାଘର ପାଇଁ ବନ୍ଧୁ ଘରକୁ ଆସିଥିଲା ।
ପଟ୍ଟାମୁଣ୍ଡାଇ ଥାନା ବଡପଦା ଗାଁର ରତ୍ନାକର ମଲିକଙ୍କ ପୁଅ ବବୁଲ ମଲିକଙ୍କ ଆଜି ବିବାହ ଥିଲା। ବର ବାହାରିବା ପାଇଁ ପ୍ରସ୍ତୁତି ହେଉଥିଲା। ବରଯାତ୍ରୀ ଯିବା ପାଇଁ ଗାଡିରେ ପେଟ୍ରୋଲ ପକାଇବା ବେଳେ ହଠାତ ନିଆଁ ଲାଗି ଯାଇଥିଲା।
