ଭୁବନେଶ୍ୱର,୨୦/୦୩: ଜେସିବି ଲଗାଇ ଝାରସୁଗୁଡା ସଦର ଥାନା ଅନ୍ତର୍ଗତ ବିଟିଏମ୍ ଛକରେ ଥିବା ସେଣ୍ଟ୍ରାଲ ବ୍ୟାଙ୍କ୍ ଅଫ୍ ଇଣ୍ଡିଆର ଏଟିଏମ୍ ତାଡ଼ି ନେଲେ ଦୁର୍ବୃତ୍ତ । ଏଟିଏମ୍କୁ ନେଇ ଅଧା ରାସ୍ତାରେ ଛାଡି ଦେଇଛନ୍ତି ଜେସିବି । ଜେସିବି ମାଲିକଙ୍କୁ ଥାନାରେ ଅଟକ ରଖି ପଚରାଉଚରା କରିବା ସହ ତଦନ୍ତ ଆରମ୍ଭ କରିଛି ଝାରସୁଗୁଡା ସଦର ଥାନା ପୋଲିସ।
ସୂଚନା ମୁତାବକ, ବୁଧବାର ରାତିରେ ବିଟିଏମ୍ ଛକରେ ଥିବା ସେଣ୍ଟ୍ରାଲ ବ୍ୟାଙ୍କ୍ ଅଫ୍ ଇଣ୍ଡିଆର ଏଟିଏମ୍ଟିକୁ ଏକ ଜେସିବି ସାହାଯ୍ୟରେ ତାଡ଼ି ନେଇଥିଲେ କିଛି ଦୁର୍ବୃତ୍ତ । ଏଟିଏମ୍ଟିକୁ ତାଡ଼ି ନେଇ ଅଧାବାଟରେ ଜେସିବିକୁ ଛାଡ଼ି ଦେଇ ଏଟିଏମ୍ଟିକୁ ନେଇ ଫେରାର ହୋଇ ଯାଇଛନ୍ତି । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଝାରସୁଗୁଡା ସଦର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ରାସ୍ତାରେ ଥିବା ଜେସିବି ଜବତ କରିବା ସହ ଜେସିବି ମାଲିକଙ୍କୁ ପୋଲିସ ଥାନାରେ ଅଟକ ରଖି ପଚରଉଚରା କରୁଛି ।
ଏହି ଖବରଟିକୁ ପଢ଼ନ୍ତୁ- ୧୨ କ୍ଵିଣ୍ଟାଲ ଗଞ୍ଜେଇ ଜବତ, ୨ ଗିରଫ
