ନିଶ୍ଚିନ୍ତକୋଇଲି,୧୧/୪ : ନିଶ୍ଚିନ୍ତକୋଇଲି ବ୍ଲକ ଉପାଧ୍ୟକ୍ଷ ପାଇଁ ଉପନିର୍ବାଚନରେ ମାହାଙ୍ଗା ସ୍ବାଧୀନ ବିଧାୟକ ଶାରଦା ପ୍ରଧାନଙ୍କ ସମର୍ଥିତ ପ୍ରାର୍ଥୀ ତଥା ଫୋଗଳ ପଂଚାୟତର ସମିତି ସଭ୍ୟ ନୃସିଂହ ଚରଣ ମିଶ୍ର ନୂତନ ଉପାଧ୍ୟକ୍ଷ ରୂପେ ନିର୍ବାଚିତ ହୋଇଛନ୍ତି। ତାଙ୍କର ନିକଟତମ ବିଜେପି ସମର୍ଥିତ ପ୍ରାର୍ଥୀ ତଥା ମହମ୍ମଦପୁର ପଂଚାୟତ ସମିତି ସଭ୍ୟ ରଞ୍ଜନ କୁମାର ପାତ୍ରଙ୍କ ଠାରୁ ସେ ୮ ଖଣ୍ଡ ଭୋଟ ଅଧିକ ପାଇଛନ୍ତି ।
ରଞ୍ଜନ କୁମାର ପାତ୍ର ୧୬ ଟି ଭୋଟ୍ ପାଇଥିବା ବେଳେ ନୃସିଂହ ଚରଣ ମିଶ୍ର ୨୪ ଖଣ୍ଡ ଭୋଟ ପାଇଛନ୍ତି। ସୂଚନା ଅନୁଯାୟୀ ପୂର୍ବତନ ବ୍ଲକ ଉପାଧ୍ୟକ୍ଷ ଅଶୋକ କୁମାର ଓଝା ନିଜର ବ୍ୟକ୍ତିଗତ କାରଣରୁ ଉପାଧ୍ୟକ୍ଷ ପଦରୁ ଇସ୍ତଫା ଦେଇଥିବାରୁ ହୋଇଥିଲା ଉପାଧ୍ୟକ୍ଷ ପଦ ପାଇଁ ଉପନିର୍ବାଚନ।
