କଟକ, ୧୨/୪ : କଟକରୁ ବାଂଲାଦେଶୀ ନାବାଳିକା ଉଦ୍ଧାର ଘଟଣାର ତଦନ୍ତ କରିବ ନେସନାଲ ଇନଭେଷ୍ଟିଗେସନ ଏଜେନ୍ସି ବା ଏନଆଇଏ। କମିଶନରେଟ୍ ପୋଲିସଠାରୁ ବିଧିବଦ୍ଧ ଭାବେ ଏନଆଇଏ ତଦନ୍ତ ଭାର ଗ୍ରହଣ କରିଛି । ବିଦେଶୀ ନାବାଳିକାଙ୍କୁ ବେଆଇନ ଭାବେ କିପରି ଭାରତରେ ଅନୁପ୍ରଵେଶ କରାଯାଉଥିଲା ଓ ଏହା ପଛରେ କେଉଁ ମାନେ ଅଛନ୍ତି ସେ ନେଇ ଏନ୍ ଆଇ ଏ ତଦନ୍ତ କରିବ। ଏହାସହ ବିଦେଶୀମାନଙ୍କୁ ବେଆଇନ ଭାବେ ଭାରତ ଭିତରକୁ ପ୍ରବେଶରେ ସହାୟତା କରୁଥିବା ଗୋଷ୍ଠୀ ସମ୍ପର୍କରେ ତଦନ୍ତ କରିଵ ଏନଆଇଏ । ଏ ନେଇ କଟକ ଡିସିପି ସୂଚନା ଦେଇଛନ୍ତି ।
ଗତ ବର୍ଷ ନଭେମ୍ବର ୯ତାରିଖରେ କଟକ ମଧୁପାଟଣା ଛକରୁ କମିଶନରେଟ ପୋଲିସ ଉଦ୍ଧାର କରିଥିଲା । ବାଂଲାଦେଶୀ ଯୁବତୀଙ୍କୁ ଢାକାର ଏକ ଗୋଷ୍ଠୀ ସହାୟତାରେ କୋଲକାତା ଓ କଟକର କିଛି ଲୋକ ଭାରତକୁ ଆଣିଥିଲେ । ସମ୍ପୃକ୍ତ ନାବାଳିକାଙ୍କୁ କୋଲକାତା, କଟକ, ଭୁବନେଶ୍ୱର ଆଦି ଅଞ୍ଚଳରେ ରଖି ଦେହ ବ୍ୟବସାୟରେ ଲଗାଉଥିଲେ ଦୁର୍ବୃତ୍ତ ମାନେ। କମିଶନରେଟ ପୋଲିସ ଏ ସମ୍ପର୍କରେ ଖୋଳତାଡ଼ କରି କୋଲକାତାର ମାଷ୍ଟର ମାଇଣ୍ଡ ସମେତ ୬ଜଣଙ୍କୁ ଗିରଫ କରିଛି ।
