ମୁମ୍ବାଇ,୧୩/୬: ଆସୁଛି ଫିଲ୍ନ 'ବର୍ଡର'ର ସିକ୍ୱେଲ 'ବର୍ଡର 2' । ୧୯୯୭ରେ ମୁକ୍ତିଲାଭ କରିଥିବା ସନ୍ନି ଦେଓଲଙ୍କ ଫିଲ୍ମ 'ବର୍ଡର' ଦର୍ଶକଙ୍କ ମନକୁ ଛୁଇଁଥିବା ବେଳେ ବର୍ତ୍ତମାନ ଏହାର ସ୍ବିକେଲ ଆସିବାକୁ ଯାଉଛି । ଏନେଇ ନିର୍ମାତା 'ବର୍ଡର ୨' ଆସୁଥିବା ନେଇ ଆଜି ଘୋଷଣା କରିଛନ୍ତି । ଏହି ଫିଲ୍ମର ସିକ୍ୱେଲ ସହ ସନ୍ନି ଦେଓଲ ପୁଣିଥରେ ବଡ ପରଦାରେ ନଜର ଆସିବେ । ତେବେ 'ବର୍ଡର'ର ୨୭ ବର୍ଷ ପୂର୍ତ୍ତି ଅବସରରେ ସନ୍ନି ଦେଓଲ ନିଜ ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି 'ବର୍ଡର ୨' ଘୋଷଣା କରିଛନ୍ତି । ଏହି ଭିଡିଓରେ, ଅଭିନେତାଙ୍କ ସ୍ୱର ଶୁଣାଯାଉଛି, ଯେଉଁଥିରେ ସେ ଶୁଣିବାକୁ ପାଇଛନ୍ତି ଯେ ୨୭ବର୍ଷ ପୂର୍ବେ ଜଣେ ସୈନିକ ପ୍ରତିଶୃତି ଦେଇଥିଲେ ଯେ ସେ ଫେରି ଆସିବେ । ସମାନ ପ୍ରତିଶ୍ରୁତି ପୂରଣ କରିବାକୁ ପୁଣିଥରେ ଭାରତମାତାଙ୍କୁ ସଲାମ କରିବାକୁ ଆସୁଛନ୍ତି ।
'ବର୍ଡର 2' ଭୂଷଣ କୁମାର, କୃଷ୍ଣ କୁମାର, ଜେପି ଦତ୍ତା ଏବଂ ନିଧି ଦତ୍ତ ନିର୍ମାଣ କରୁଛନ୍ତି । ଅନୁରାଗ ସିଂ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବାକୁ ଯାଉଛନ୍ତି । ବର୍ଡର ୨ରେ ଅନୁ ମଲିକ ଏବଂ ମିଥୁନଙ୍କ ସଙ୍ଗୀତ ରହିବ । ଜାଭେଦ ଅଖତର ଏହି ଚଳଚ୍ଚିତ୍ରର ଗୀତଗୁଡ଼ିକର ଲିରିକ୍ସ ଲେଖୁଛନ୍ତି ଏବଂ ଏହାକୁ ସୋନୁ ନିଗମ ଗାଇବେ । ଏହି ଚଳଚ୍ଚିତ୍ରର ଷ୍ଟାର କାଷ୍ଟ ବିଷୟରେ ଏପର୍ଯ୍ୟନ୍ତ କୌଣସି ସୂଚନା ଦିଆଯାଇନାହିଁ । ନିକଟରେ ଫିଲ୍ମର ଷ୍ଟାର କାଷ୍ଟ ବିଷୟରେ ଖବର ଆସିଥିଲା ଯେ ଆୟୁଷ୍ମାନ ଖୁରାନା ମଧ୍ୟ ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିପାରନ୍ତି। ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଅକ୍ଟୋବର ୨ ରୁ 'ବର୍ଡର ୨' ସୁଟିଂ ଆରମ୍ଭ ହୋଇପାରେ ଏବଂ ଏହି ଚଳଚ୍ଚିତ୍ର ୨୦୨୬ ମସିହାରେ ଗଣତନ୍ତ୍ର ଦିବସରେ ମୁକ୍ତିଲାଭ କରିବ ବୋଲି ସୂଚନା ମିଳିଛି।