ନୂଆଦିଲ୍ଲୀ,୦୪/୦୨: ବିଶ୍ବର ସବୁଠୁ ଧନୀ କ୍ରିକେଟ ବୋର୍ଡ ବିସିସିଆଇ । କ୍ରିକେଟ ଜଗତରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡଦ ଅଧିକ ଦବଦବା ରହିଛି । ଆପଣ ଜାଣିଛନ୍ତି କି ଏମିତି ଏକ ଟୁର୍ଣ୍ଣାମେଣ୍ଟ ରହିଛି ଯେଉଁଥିରୁ ବିସିସିଆଇ ଟଙ୍କାଟିଏ ନିଏ ନାହିଁ । ଏମିତି କି ତାକୁ ମିଳୁଥିବା ଟଙ୍କାକୁ ସେ ଅନ୍ୟ ଦେଶର କ୍ରିକେଟ ବୋର୍ଡକୁ ଦେଇଦିଏ । ତେବେ ସେ ଟୁର୍ଣ୍ଣାମେଣ୍ଟ କଣ କାହିଁକି ଟଙ୍କାଟିଏ ନିଏ ନାହିଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଆସନ୍ତୁ ଜାଣିବା ଏହି ରିପୋର୍ଟରେ ।
ଏଥିରେ କୌଣସି ସନ୍ଦେହ ନାହିଁ ସବୁ ଦେଶ ଭାରତ ବିପକ୍ଷରେ ଖେଳିବାକୁ ଚାହେଁ କାରଣ ଏଥିରୁ ଉକ୍ତ ଦେଶକୁ ଭଲ ରୋଜଗାର ମିଳେ । ଏହି କାରଣରୁ ଭାରତ ସବୁଠୁ ଧନୀ କ୍ରିକେଟ ବୋର୍ଡ । ଖେଳାଳି ଓ ଅଧିକାରୀଙ୍କୁ ଭଲ ସୁବିଧା ଦେବା ନେଇ ବିସିସିଆଇ ଜଣାଶୁଣା । ଅନ୍ୟ ଦେଶ ତୁଳନାରେ ଭାରତୀୟ ଖେଳାଳିଙ୍କ ରୋଜଗାର ଅଧିକ । ମାତ୍ର କ୍ରିକେଟର ଏମିତି ଏକ ଟୁର୍ଣ୍ଣାମେଣ୍ଟ ଅଛି ଯେଉଁଥିରୁ ବିସିସିଆଇ ଗୋଟିଏ ଟଙ୍କା ବି ନିଏ ନାହିଁ । ତାର ଭାଗ ଅନ୍ୟ ଦେଶର ବୋର୍ଡକୁ ଦେଇଦିଏ । ଏହାର ଖୁଲାସା କରିଛନ୍ତି ପୂର୍ବତନ କ୍ରିକେଟର ତଥା କମେଣ୍ଟେଣ୍ଟର ଆକାଶ ଚୋପ୍ରା ।
ଏହି ଟୁର୍ଣ୍ଣାମେଣ୍ଟରେ ଛାଡି ଦିଏ କୋଟି କୋଟି ଟଙ୍କା- ବିସିସିଆଇ ଏସିଆ କପ୍ ଟୁର୍ଣ୍ଣାମେଣ୍ଟ ରୋଜଗାରରୁ ଟଙ୍କାଟିଏ ନିଏ ନାହିଁ । ଏହା ପଛର ଏକ ବଡ କାରଣ ରହିଛି ଯାହାର ଖୁଲାସା କରିଛନ୍ତି ପୂର୍ବତନ କ୍ରିକେଟର ଆକାଶ ଚୋପ୍ରା । ଏସିଆ କପ୍ ଇତିହାସରେ ଯେତେ ରାଜସ୍ବ ମିଳେ ସେ ଟଙ୍କାରେ ହାତ ଲଗାଏ ନାହିଁ । ସେଥିରୁ ବିସିସିଆଇ ଗୋଟିଏ ଟଙ୍କା ନିଏନାହିଁ ।
ଏହା ବି ପଢନ୍ତୁ...ଏନ୍ସିଏରେ ପହଞ୍ଚିଲେ ଯଶପ୍ରୀତ ବୁମରା, ବିସିସିଆଇ ଡାକ୍ତରୀ ଟିମ୍ କରିବେ ଫିଟ୍ନେସ୍ ଟେଷ୍ଟ
ଏହାର କାରଣ କହି ପୂର୍ବତନ କ୍ରିକେଟର ଆକାଶ ଚୋପ୍ରା କହିଛନ୍ତି, ପ୍ରତିଥର ବିସିସିଆଇ ପାଇଁ ଯେଉଁ ଟଙ୍କା ଆସେ ତାକୁ ସେ ଏସିଆନ କ୍ରିକେଟ କାଉନସିଲକୁ ଦେଇଦିଏ । ଯେଉଁ ଦେଶ ପାଇଁ କ୍ରିକେଟର ଉନ୍ନତୀ ଆଣିବାର ଆବଶ୍ୟକ ରହିଥାଏ ସେ ଟଙ୍କା ସେଥିରେ ବିନିଯୋଗ ହୁଏ । କେବେଳ ଭାରତକୁ ଛାଡି ଦେଲେ ଅନ୍ୟ କୌଣସି ଦେଶ ଏପରି କରେ ନାହିଁ । ସେ ଶ୍ରୀଲଙ୍କା ଦେଉ କି ପାକିସ୍ତାନ ବା ଅନ୍ୟ କୌଣସି ଦେଶ ସମସ୍ତେ ତାଙ୍କ ଭାଗ ଟଙ୍କା ନେଇଥାନ୍ତି ।
