ନୂଆଦିଲ୍ଲୀ : ଯଦି ଆପଣ ଏଟିଏମ୍ ମେସିନ୍ରୁ କ୍ୟାସ୍ ବାହର କରୁଛନ୍ତି ତ ଆପଣଙ୍କ ପାଇଁ ଏହି ଖବର କାମରେ ଆସିପାରେ। ଏବେ ଏଟିଏମରେ ସ୍ଥିର ହୋଇଥିବା ଫ୍ରି ଲିମିଟ୍ ପରେ ଟଙ୍କା ବାହାର କରିବା ଉପରେ ଅଧିକ ଚାର୍ଜ ଦେବାକୁ ପଡ଼ିପାରେ। ଉଲ୍ଲେଖନୀୟ ଯେ, ଦେଶର ଏଟିଏମ୍ ଅପରେଟର ଭାରତୀୟ ରିଜର୍ଭ ବ୍ୟାଙ୍କ୍ (ଆରବିଆଇ) ଓ ଭାରତୀୟ ଜାତୀୟ ଦେୟ ନିଗମ (ଏନପିସିଆଇ)କୁ ସଂପର୍କ କରିଛି। ଏଟିଏମ୍ ଅପରେଟର ଇଣ୍ଟରଚେଞ୍ଜ ଚାର୍ଜରେ ବୃଦ୍ଧିନେଇ ଦାବି କରୁଛନ୍ତି।
କଣ ରହିଛି ଦାବି –
ଇକୋନୋମିକ ଟାଇମ୍ସର ଖବର ମୁତାବିକ, ଏଟିଏମ୍ ଉଦ୍ୟୋଗ ପରିସଂଘ (ସିଏଟିଏମଆଇ)ର ଦାବି କି ଇଣ୍ଟରଚେଞ୍ଜ ଫିସ୍କୁ ବଢାଇ ପ୍ରତି ଟ୍ରାଞ୍ଜାକ୍ସନରେ ସର୍ବାଧିକ ୨୩ ଟଙ୍କା କରାଯାଉ। ଏହା ମାଧ୍ୟମରେ ବ୍ୟବସାୟ ପାଇଁ ଅଧିକ ଫଣ୍ଡିଂ ସୁନିଶ୍ଚିତ କରିବାରେ ସାହାଯ୍ୟ ମିଳିବ। ଏଟିଏମ୍ ମେକର ଏଜିଏସ୍ ଟ୍ରାଞ୍ଜାକ୍ଟ ଟେକ୍ନୋଲଜିଜ୍ର କାର୍ଯ୍ୟକାରୀ ନିର୍ଦ୍ଦେଶକ ଷ୍ଟେନଲୀ ଜନସନ କହିଛନ୍ତି ଇଣ୍ଟରଚେଞ୍ଜ ରେଟ୍ ଦୁଇ ବର୍ଷ ପୂର୍ବେ ବଢା ଯାଇଥିଲା। ଆମେ ଆରବିଆଇ ସହ ସଂପର୍କ କରୁଛୁ ଏବଂ ଏମିତି ଲାଗୁଛି କି ସେ ବୃଦ୍ଧିକୁ ନେଇ ସମର୍ଥନ କରିଥାନ୍ତି । ଆମେ ଅର୍ଥାତ୍ ସିଏଟିଏମଆଇ ଚାର୍ଜକୁ ୨୧ ଟଙ୍କା ପର୍ଯ୍ୟନ୍ତ ବଢାଇବାକୁ ଅନୁରୋଧ କରିଛୁ। ସେଠାରେ ଅନ୍ୟ କିଛି ଏଟିଏମ୍ ମେକର୍ସ ଏହାକୁ ୨୩ ଟଙ୍କା ଯାଏ ବଢାଇବାକୁ ଦାବି କରିଛନ୍ତି। ହେଲେ ଏହି ସମ୍ୱନ୍ଧରେ ଆରବିଆଇ ପକ୍ଷରୁ ଅଫିସିଆଲି ଭାବେ କିଛି କୁହାଯାଇ ନାହିଁ। ଜଣେ ଏଟିଏମ୍ ନିର୍ମାତାଙ୍କ ମୁତାବିକ୍ ଇଣ୍ଟରଚେଞ୍ଜ ଚାର୍ଜରେ ବୃଦ୍ଧି ଏନପିସିଆଇ ଦ୍ୱାରା ନିଆ ଯାଇଥିବା ନିର୍ଣ୍ଣୟ , କାରଣ ଦର ତାଙ୍କ ଦ୍ୱାରା ସ୍ଥିର କରାଯାଏ।
୨୦୨୧ରେ ହୋଇଥିବା ବୃଦ୍ଧି –
କହି ରଖୁଛୁ କି , ୨୦୨୧ ମସିହାରେ ଏଟିଏମ୍ ଟ୍ରାଞ୍ଜାକ୍ସନରେ ଇଣ୍ଟରଚେଞ୍ଜ ଚାର୍ଜ ୧୫ଟଙ୍କାରୁ ବୃଦ୍ଧି କରାଯାଇ ୧୭ ଟଙ୍କା କରି ଦିଆ ଯାଇଛି। ଏଟିଏମ୍ ଇଣ୍ଟରଚେଞ୍ଜ ସେହି ଚାର୍ଜ , ଯାହା କାର୍ଡ ଜାରି କରୁଥିବା ବ୍ୟାଙ୍କ୍ ପକ୍ଷରୁ ସେହି ବ୍ୟାଙ୍କକୁ ଦିଆ ଯାଏ, ଯେଉଁଠି କାର୍ଡର ବ୍ୟବହାର ନଗଦ ଅର୍ଥ ବାହାର କରିବାକୁ କରାଯାଏ। ଇଣ୍ଟରଚେଞ୍ଜ ଚାର୍ଜ ଅଧିକ ହେବା କାରଣରୁ ମୂଲ୍ୟର ଭରଣା ପାଇଁ ବ୍ୟାଙ୍କ ଗ୍ରାହକଙ୍କ ଠାରୁ ଫ୍ରି ଟ୍ରାଜାକ୍ସନ ପାଇଁ ଯାଉଥିବା ଚାର୍ଜରେ ବୃଦ୍ଧି କରି ପାରିବେ। ଏବେ ଗ୍ରାହକଙ୍କୁ ଟ୍ରାଜାକ୍ସନ ପରେ ୨୧ ଟଙ୍କାଯାଏ ଚାର୍ଜ ନିଆଯାଇଛି।
ବର୍ତ୍ତମାନ ସମୟରେ ସେଭିଂ ଆକାଉଣ୍ଟହୋଲ୍ଡର ପାଇଁ ଏକ ମାସରେ ସର୍ବନିମ୍ନ ୫ଟି ଟ୍ରାଞ୍ଜାକ୍ସନ ଫ୍ରି ଅଛି। ସେପଟେ , କିଛି ଏମିତି ମଧ୍ୟ ବ୍ୟାଙ୍କ ଅଛି , ଯେଉଁ ଏଟିଏମ୍ରେ ୩ଟି ନେଣଦେଣ ମୁକ୍ତ ରହିଛି। ଏହାପରେ ଅଲଗା ଅଲଗା ବ୍ୟାଙ୍କ୍ ଏଟିଏମର ଚାର୍ଜ ମଧ୍ୟ ଅଲଗା ଅଲଗା ପ୍ରକାରର ହୋଇଥାଏ ।