ନୂଆଦିଲ୍ଲୀ,୨୨/୦୯: ପଞ୍ଜାବ  ନ୍ୟାସ୍‌ନାଲ ବ୍ୟାଙ୍କ(ପିଏନ୍‌ବି)ରେ  ପ୍ରାୟ ୨୦୦ କୋଟି ଡଲାରର ଜାଲିଆତି  ଭିଆଇ ଦେଶରୁ ପଳାୟନ କରିଥିବା ହୀରା ବ୍ୟବସାୟୀ ମେହୁଲ ଚୋକ୍‌ସିଙ୍କୁ  ବେଲ୍‌ଜିୟମରେ ଦେଖିବାକୁ ମିଳିଛି । ନିଜ ସୁରକ୍ଷିତ ଠିକଣାରୁ ବାହାରକୁ ଆସିଥିବାରୁ ଏବେ ଚୋକ୍‌ସିଙ୍କୁ ଭାରତକୁ ପତ୍ୟର୍ପଣ  କରିବା ପାଇଁ ଜୋର୍‌ଦାର ପ୍ରୟାସ କରାଯିବ  ବୋଲି ଅନୁମାନ କରାଯାଉଛି । ସମାନ ମାମଲାରେ ଚୋକ୍‌ସିଙ୍କ ସମ୍ପର୍କୀୟ ନୀରବ ମୋଦି ଭାରତରୁ ଫେରାର ହୋଇ ଲଣ୍ଡନ  ଜେଲ୍‌ରେ ବନ୍ଦ ଅଛନ୍ତି । ଠକେଇ  ମାମଲାରେ ନାଁ ଆସିବା ପରେ ଚୋକ୍‌ସି  ଆଣ୍ଟିଗୁଆ ଏବଂ ବରବୁଡାର ନାଗରିକତା  ହାସଲ କରିଥିଲେ । ଉଭୟ ଦେଶ  ସହିତ ଭାରତର କୌଣସି ପ୍ରତ୍ୟର୍ପଣ  ଚୁକ୍ତି ନାହିଁ । ତେଣୁ ସେଠାରେ ସୁରକ୍ଷିତ  ଭାବେ ରହି ଆସୁଥିଲେ ଚୋକ୍‌ସି । ଏବେ ବେଲ୍‌ଜିୟମ୍‌ରେ ତାଙ୍କୁ ଦେଖିବାକୁ  ମିଳିଥିବାରୁ ଭାରତୀୟ ଏଜେନ୍ସିଗୁଡ଼ିକ  ଚୋକ୍‌ସିଙ୍କୁ ଭାରତକୁ ଆଣିବା ପାଇଁ  ସକ୍ରିୟ ହୋଇଯାଇଛନ୍ତି ।