ଭୁବନେଶ୍ୱର,୦୪/୦୪: ନବଜାତକ ଯାଆଁଳା ଶିଶୁ କନ୍ୟାକୁ ୧୦୮ ଆମ୍ବୁଲାନ୍ସ ଯୋଗେ ଟିଟିଲାଗଡ଼ ମାତୃ ଓ ଶିଶୁ ଚିକିତ୍ସାଳୟରୁ ବଲାଙ୍ଗୀର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର ସମୟରେ ଅଘଟଣ ।ଏମସିଏଚରେ ଫାଟିଗଲା ଆମ୍ବୁଲାନ୍ସର ଅକ୍ସିଜେନ୍ ଗ୍ୟାସ୍ ସିଲିଣ୍ଡର । ଦୁର୍ଘଟଣାରେ ଶିଶୁର ବାପା ସାମାନ୍ୟ ଆହତ ହୋଇଥିବା ବେଳେ ବୁଢୀ ମାଆ ଗୁରୁତର ହୋଇଛନ୍ତି । ଗୁରୁତର ଆହତ ହେଲେ ଦୁତୀୟା ଭୋଇ । ଅଳ୍ପକେ ବର୍ତ୍ତିଲେ ଦୁଇ ଯାଆଁଳା ଶିଶୁ କନ୍ୟା ଏବଂ ମାଆ ।
ସୂଚନା ମୁତାବକ, ଗୁରୁବାର ମଧ୍ୟ ରାତ୍ରିରେ ମୁରିବାହାଲ ବ୍ଲକ ଅଧିନସ୍ଥ ଚିକନୀ ବାହାଳୀ ଗାଁର ରାଧା ଯାନୀ ପ୍ରସବ ପାଇଁ ଡାକ୍ତରଖାନାରେ ଭର୍ତ୍ତି ହୋଇଥିଲେ । ଶୁକ୍ରବାର ଭୋର ସମୟରେ ଯାଆଁଳା ଶିଶୁ କନ୍ୟାକୁ ଜନ୍ମ ଦେଇଥିଲେ । ଏହାପରେ ବଲାଙ୍ଗୀରକୁ ଆମ୍ବୁଲାନ୍ସରେ ସ୍ଥାନାନ୍ତର ସମୟରେ ଟିଟିଲାଗଡ଼ ଏମସିଏଚରେ ହୋଇଛି ଆକ୍ସିଜେନ୍ ସିଲିଣ୍ଡର ବ୍ଲାଷ୍ଟ । ଦୁର୍ଘଟଣାରୁ ଦୁଇ ଶିଶୁ କନ୍ୟା ଓ ମା ଅଳ୍ପକେ ବର୍ତ୍ତି ଯାଇଥିଲେ । ହେଲେ ନିଆଁ ଲାଗିବା କାରଣରୁ ଦୁଇ ଶିଶୁଙ୍କ ବୁଢ଼ୀ ମାଆ ନିଆଁରେ ପୋଡି ଗୁରୁତର ହେବା ସହ ଶିଶୁଙ୍କ ବାପା ମଧ୍ୟ ସାମାନ୍ୟ ଆହତ ହୋଇଛନ୍ତି । ଶିଶୁ ଓ ମାଆକୁ ବଲାଙ୍ଗୀର ଏମସିଏଚରେ ଭର୍ତ୍ତି କରାଯାଇଥିବା ବେଳେ ଦୁଇ ଗୁରୁତରଙ୍କୁ ଟିଟିଲାଗଡ଼ ଡାକ୍ତର ଖାନାରେ ଭର୍ତ୍ତି କରାଯାଉଛି ।
