ମୁମ୍ୱାଇ : ବଲିଉଡ୍ର ଶେହେନସା କୁହାଯାଉ ଥିବା ପ୍ରସିଦ୍ଧ ଅଭିନେତା ଅମିତାଭ ବଚ୍ଚନ ଖୁବ୍ ଶୀଘ୍ର ‘କୌନ ବନେଗା କରୋଡପତି’ର ନୂଆ ସିଜନ ସହ ଟିଭିରେ ପ୍ରତ୍ୟାବର୍ତ୍ତନ କରୁଛନ୍ତି। ଶୋ’ କେବେ ଆରମ୍ଭ ହେବ ? ଏହି କଥାର ସୂଚନା ଏବେସୁଦ୍ଧା ସାମ୍ନାକୁ ତ ଆସି ନାହିଁ, କିନ୍ତୁ ରେଜିଷ୍ଟ୍ରେସନର ତାରିଖ ଆସି ଯାଇଛି। କେବିସିର ରେଜିଷ୍ଟ୍ରେସନ ଆଗାମୀ ସପ୍ତାହରେ ଆରମ୍ଭ ହେବ।
ସୋନି ଟିଭି ନିଜର ସୋସିଆଲ ମିଡ଼ିଆରେ ଭିଡ଼ିଓ ଜାରି କରି ଲେଖିଛି, ପ୍ରସ୍ତୁତ ହୋଇ ଯାଆନ୍ତୁ ୧୪ ଅପ୍ରେଲରୁ ହଟ୍ ସିଟ୍କୁ ଆସିବା ପାଇଁ। କେବିସିର ରେଜିଷ୍ଟ୍ରେସନ ଓ ଆମର ଏବିଙ୍କ ପ୍ରଶ୍ନ ଆରମ୍ଭ ହେବାକୁ ଯାଉଛି। ଅର୍ଥ କେବେସି ୧୭ ପାଇଁ ରେଜିଷ୍ଟ୍ରେସନ ପ୍ରକ୍ରିୟା ୧୪ ଅପ୍ରେଲରୁ ଆରମ୍ଭ ହେବ। ଯଦି ଆପଣ କେବିସି-୧୭ ପାଇଁ ଆପ୍ଲାଇ କରିବାକୁ ଚାହାନ୍ତି ତ ଆପଣଙ୍କୁ ଅମିତାଭ ବଚ୍ଚନଙ୍କ ଦ୍ୱାରା ପଚରା ଯାଇଥିବା ପ୍ରଶ୍ନର ଜବାବ ଦେବାକୁ ହେବ। ଗତ ସିଜନ ପରି ,ଏହି ଥର ମଧ୍ୟ ଲୋକେ SonyLiv ଆପ୍ , SMS, IVR କଲ୍ର ମାଧ୍ୟମରେ ରେଜିଷ୍ଟ୍ରେସନ କରି ପାରିବେ।
ଉଲ୍ଲେଖନୀୟ ଯେ, ଏକ ସାକ୍ଷାତକାରରେ ଅମିତାଭ ବଚ୍ଚନ ତାଙ୍କର ଖରାପ ସମୟ ବିଷୟରେ କହିଥିଲେ। ଯେତେବେଳେ ତାଙ୍କୁ ପଚରାଯାଇ ଥିଲା ଯେ, ତାଙ୍କ ଘର ଜବତ କରାଯିବାର ଥିଲା। ଏହାର ପ୍ରଶ୍ନରେ ସେ କହିଥିଲେ ଆଜ୍ଞା ହଁ ଏହା ସତ୍ୟ ଥିଲା। ତାଙ୍କୁ ପ୍ରାୟ ୯୦କୋଟି ଟଙ୍କା ଦେବାକୁ ଥିଲା ଏବଂ ପ୍ରାୟ ୫୫ଟି ମାମଲା ରୁଜୁ ହୋଇଥିଲା। ପ୍ରତିଦିନ ଋଣଦାତାମାନେ ତାଙ୍କ ଘରକୁ ଆସୁଥିଲେ । ଏହା ତାଙ୍କ ପାଇଁ ଖୁବ୍ ଲଜ୍ଜାକର ଥିଲା।
ଯେଭଳି ତାଙ୍କର ଏବିସିଏଲ୍ କମ୍ପାନୀ ବନ୍ଦ ହୋଇଗଲା ଏଥିରେ ତାଙ୍କ ଅଭିନୟ କ୍ୟାରିୟର ବି ବନ୍ଦ ହୋଇ ଯାଇ ଥିଲା । ଏହି ସାକ୍ଷାତକାରରେ ସେ ଏହି ବିଷୟରେ କହିଥିଲେ କି, ଏହି ଘଟଣା ଗୁଡ଼ିକ ସାମୂହିକ ଭାବେ ହୋଇ ଥିଲା। ସେ କହିଥିଲେ କି, ଯେତେବେଳେ ଗୋଟିଏ ବିଭାଗରେ କିଛି ଭୁଲ ହୁଏ, ସେତେବେଳେ ତୁମ ଚାରିପାଖରେ ଥିବା ଅନ୍ୟ ସବୁକିଛି ଭୁଶୁଡ଼ି ପଡ଼ିଥାଏ।
ସବୁକିଛି ସହି ଅମିତାଭ ବଚ୍ଚନ ପୁଣି କମବ୍ୟାକ୍ କରିଥିଲେ। ତାହା ଟେଲିଭିଜନ ହିଁ ଥିଲା। ଯାହା ତାଙ୍କୁ ଲାଇଫ୍ ଲାଇନ୍ ଦେଇଥିଲା । ସେ କୋନ ବନେଗା କରୋଡ଼ପତି ହୋଷ୍ଟ କରିବା ଲାଗି ପ୍ରସ୍ତୁତ ହୋଇଥିଲେ ଏବଂ ଏହି ଗୋଟିଏ ନିଷ୍ପତ୍ତି ତାଙ୍କୁ ସବୁ ଅସୁବିଧାରୁ ବାହାର କରି ଦେଇଥିଲା । ଶୋ’ର ଅପୂର୍ବ ସଫଳତା ତାଙ୍କୁ ପୁଣି ଥରେ ଷ୍ଟାରଡମ୍ ଦେଇଥିଲା । ପରେ ପରେ ସେ ପୁଣି ଥରେ ଭାରତୀୟ ସିନେମାର ସବୁଠାରୁ ଅଧିକ ଡିମାଣ୍ଡିଂ ଅଭିନେତା ହୋଇଗଲେ । ଆଜି ୮୨ବର୍ଷ ବୟସରେ ବି ଅମିତା ବଚ୍ଚନ କେବିସି ହୋଷ୍ଟ କରୁଛନ୍ତି ଏବଂ ଫିଲ୍ମରେ ବି ଆକ୍ଟିଭ ଅଛନ୍ତି ।
