ମୁମ୍ବାଇ ୦୪/୦୪: ଟିଭିର ସବୁଠାରୁ ଲୋକପ୍ରିୟ ଶୋ’ ମଧ୍ୟରୁ ଗୋଟିଏ ସିଆଇଡି । ଏହି ଶୋ’ର ଏସିପି ପ୍ରଦ୍ୟୁମନଙ୍କୁ କିଏ ବା ନ ଜାଣେ । ଯିଏକି ଦୀର୍ଘ ସମୟ ଧରି ଶୋ’ର ଜୀବନ ହୋଇଆସୁଛନ୍ତି। ଏସିପି ଭୂମିକାରେ ଅଭିନେତା ଶିବାଜୀ ସାଟମଙ୍କୁ ଦେଖିବା ଅର୍ଥାତ୍ ସିଆଇଡି ଶୋ’ର ପରିଚୟ। ତାଙ୍କ ଚରିତ୍ର ବିନା ଏହି ଶୋ’କୁ କଳ୍ପନା କରାଯାଇପାରିବ ନାହିଁ। ତେବେ ଶୋ’ର ନୂଆ ସିଜନ୍ ନେଟଫ୍ଲିକ୍ସରେ ଷ୍ଟ୍ରିମିଂ ହେଉଛି । ଯାହା ଏସିପି ପ୍ରଦ୍ୟୁମନଙ୍କ ଫ୍ୟାନ୍ସଙ୍କୁ ଝଟ୍କା ଦେବ ।
ଖୁବ୍ ଶୀଘ୍ର ସିଆଇଡିରୁ ଶିବାଜୀ ସାଟମଙ୍କ ଚରିତ୍ର ଏସିପି ପ୍ରଦ୍ୟୁମନଙ୍କ ମୃତ୍ୟୁ ହେବାକୁ ଯାଉଛି। କୁହାଯାଉଛି ଯେ ତାଙ୍କ ଚରିତ୍ର ସିରିଏଲରୁ ବିଦାୟ ନେବାକୁ ଯାଉଛି। ଶିବାଜୀ ସାଟମ ଶୋ’ ଛାଡୁଛନ୍ତି, ତେଣୁ ତାଙ୍କ ଚରିତ୍ରକୁ ଶେଷ କରିବାକୁ ଶୋ’ର ନିର୍ମାତାଙ୍କ ପ୍ଲାନିଂ ରହିଛି। ତେବେ ଏହା ପ୍ରଥମ ଥର ନୁହେଁ ଯେ ସିଆଇଡିରେ କୌଣସି ଚରିତ୍ରର ମୃତ୍ୟୁ ଦେଖାଯିବ। ଏହାପୂର୍ବରୁ, ଅନେକ ଚରିତ୍ରର ମୃତ୍ୟୁ ହୋଇଛି ଏବଂ ପରେ ସେମାନେ ଫେରି ଆସିଛନ୍ତି। କିନ୍ତୁ ଏସିପି ଚରିତ୍ର ଶୋ’କୁ ଫେରିବ କି ନାହିଁ ତାହା ଶୋ’ ଦେଖିଲା ପରେ ଜଣାପଡିବ।
