ପ୍ରମୂଖ ଖବର
  • ବାଲେଶ୍ୱର : ଟ୍ରକ୍‌ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ
  • ||
  • ବଲାଙ୍ଗୀର : ଆମ୍ବୁଲାନ୍ସର ଅକ୍ସିଜେନ୍ ସିଲିଣ୍ଡର ବିସ୍ଫୋରଣ: ଜଣେ ଗୁରୁତର, ଅଳ୍ପକେ ବର୍ତ୍ତିଲେ ମାଆ ଛୁଆ
  • ||
  • ଆଠଗଡ଼ : ବୁଣାକାରଙ୍କ ନାଁରେ ଟଙ୍କା ଚଳୁ: ଭୂତ ନେଇଛନ୍ତି ଅଢେଇ କୋଟି, ଉଚ୍ଚ ସ୍ତରୀୟ ତଦନ୍ତ ପାଇଁ ଉପଜିଲ୍ଲାପାଳଙ୍କୁ ଦାବି
  • ||
  • ବିଡିଏରେ ମିଶିଲା ୧୪୩ ରାଜସ୍ୱ ଗ୍ରାମ,ଖୋର୍ଦ୍ଧା, ପିପିଲି, ଜଟଣୀର ନୂଆ ଗ୍ରାମ ସାମିଲ,ପଟିଆରେ ହେବ ବାଣିଜ୍ୟ ହବ୍‌
  • ||
  • IPL 2025: ଆଜି ସୁପରଜାଏଣ୍ଟ୍‌ସ-ମୁମ୍ବାଇ ଇଣ୍ଡିଆନ୍ସ ଟକ୍କର, ସୁପରଜାଏଣ୍ଟ୍‌ସ-ମୁମ୍ବାଇ ଇଣ୍ଡିଆନ୍ସ
  • ||
  • ଜଟଣୀରେ ଚାଞ୍ଚଲ୍ୟ, ଯୁବକଙ୍କୁ ବିଚ୍‌ ରାସ୍ତାରେ ହାଣିଦେଲେ ଦୁର୍ବୃତ୍ତ
  • ||
  • ଆଉ ନାହାନ୍ତି ବଲିଉଡ଼ ଅଭିନେତା ମନୋଜ କୁମାର, ୮୭ ବର୍ଷ ବୟସରେ ପରଲୋକ
  • ||
  • ରାଜ୍ୟରେ କାଳବୈଶାଖୀ ପ୍ରଭାବରେ ତାତିରୁ ସାମାନ୍ୟ ଆଶ୍ୱସ୍ତି, ଦୁଇ ଦିନ ପରେ ପୁଣି ବଢ଼ିବ ତାପମାତ୍ରା
  • ||

ମନୋଜ କୁମାରଙ୍କ ପାକିସ୍ତାନ କନେକ୍ସନ...ଜାଣନ୍ତୁ କିପରି ବନିଥିଲେ 'ଭାରତ କୁମାର'

Published By : Ankita S | April 4, 2025 12:11 PM

ମୁମ୍ବାଇ,୦୪/୦୪: ବଲିଉଡ଼ର ସୁପରଷ୍ଟାର ମନୋଜ କୁମାର ଓରଫ୍ ଭାରତ କୁମାରଙ୍କ ଦେହାନ୍ତ ହୋଇଛି । ପାକିସ୍ତାନରେ ଜନ୍ମିତ ମନୋଜ ଭାରତରେ 'ଭାରତ କୁମାର' ଭାବେ ପରିଚୟ ପାଇଥିଲେ । ୮୭ ବର୍ଷରେ ତାଙ୍କର ପରଲୋକ ହୋଇଛି । ଅଭିନେତା ଓ ନିର୍ଦ୍ଦେଶକ ଭାବେ ଦର୍ଶକଙ୍କ ହୃଦୟରେ ଘର କରିଥିଲେ ମନୋଜ । ମନୋଜଙ୍କ ବିଷୟରେ କିଛି କଥା ରହିଛି ଯାହା କମ୍ ଲୋକ ଜାଣନ୍ତି । ଯେଉଁଠି ଆତଙ୍କୀ ଓସାମା ବିଲ୍ ଲାଡ଼େନର ହତ୍ୟା ହୋଇଥିଲା ସେ ସ୍ଥାନ ସହ ମନୋଜଙ୍କର କନେକ୍ସନ ରହିଛି । ଏ କଥା କହିବାର କାରଣ ମନୋଜଙ୍କର ଜନ୍ମ ସେହି ସ୍ଥାନରେ ହୋଇଥିଲା ।

ପାକିସ୍ତାନ ସହ ମନୋଜ କୁମାରଙ୍କ କନେକ୍ସନ- ବଲିଉଡ଼ର ଭାରତ କୁମାର ଓରଫ୍ ମନୋଜ କୁମାରଙ୍କ ଜନ୍ମ ପାକିସ୍ତାନର ସେହି ସ୍ଥାନରେ ହୋଇଥିଲା । ୧୯୩୭ ଜୁଲାଇ ୨୪ ତାରିଖରେ ମନୋଜ କୁମାର ପାକିସ୍ତାନର ଏୱାଟବାଟ ସହରରେ ଏକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ । ଅନ୍ଧାର ରାତିରେ ଯେଉଁଠି ଆତଙ୍କୀ ଓସାମା ବିନ୍ ଲାଡ଼େନକୁ ହତ୍ୟା କରାଯାଇଥିଲା ସେହି ସ୍ଥାନ ସହ ଲିଜେଣ୍ଡ ମନୋଜ କୁମାରଙ୍କ ଖାସ୍ କନେକ୍ସନ ରହିଛି । ସେହି ସ୍ଥାନରେ କୁଖ୍ୟାତ ଆତଙ୍କୀ ଓସାମା ବିନ୍ ଲାଡ଼େନକୁ ଆମେରିକା ସେନା ଦ୍ବାରା ହତ୍ୟା କରାଯାଇଥିଲା । ବିଭାଜନ ପୂର୍ବରୁ ଏହି ସ୍ଥାନ ଭାରତର ଏକ ଅଂଶ ଥିଲା । ବିଭାଜନ ପରେ ମନୋଜଙ୍କ ପରିବାର ଜାଲିୟାନା ଶେର ଖାନ୍‌ରୁ ଦିଲ୍ଲୀ ଚାଲି ଆସିଥିଲେ । ସେବେ ମନୋଜଙ୍କ ବୟସ ୧୦ ବର୍ଷ ଥିଲା । ଦିଗଜ୍ ଅଭିନେତାଙ୍କ ପରିବାର ପ୍ରଥମେ ଶରଣାର୍ଥୀଙ୍କ ପରି ରହୁଥିଲେ । ଏହା ପରେ ତାଙ୍କ ପରିବାର ପୁରୁଣା ରାଜେନ୍ଦ୍ର ନଗର ଚାଲି ଆସିଥିଲେ ।


ଅଧିକ ପଢ଼ନ୍ତୁ...ଆଉ ନାହାନ୍ତି ପ୍ରସିଦ୍ଧ ଅଭିନେତା ମନୋଜ କୁମାର,୮୭ ବର୍ଷରେ ପରଲୋକ

ହିନ୍ଦୀ ସିନେମା ପ୍ରତି ମନୋଜଙ୍କ ଅବଦାନକୁ ଭୁଲି ହେବ ନାହିଁ । ଦିଲ୍ଲୀପ କୁମାରଙ୍କ ବଡ଼ ପ୍ରଶଂସକ ଥିଲେ ମନୋଜ । କେବେଳ ଅଭିନୟ ନୁହେଁ ଅନେକ ଚଳଚ୍ଚିତ୍ରରେ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଦିଲ୍ଲୀ ୟୁନିଭର୍ସିଟିରୁ ଗ୍ରାଜୁଏସନ ସମାପ୍ତ କରିଥିଲେ । ଏହା ପରେ ସେ ଅଭିନୟ ଦୁନିଆରେ ପାଦ ଥାପିଥିଲେ । ୧୯୫୭ରେ 'ଫ୍ୟାଶନ' ତାଙ୍କ ଅଭିନୀତ ପ୍ରଥମ ଫିଲ୍ମ ଥିଲା । ପ୍ରଥମ ଫିଲ୍ମରେ ସେ ୮୦ ବର୍ଷ ବୃଦ୍ଧ ଚରିତ୍ରରେ ନଜର ଆସିଥିଲେ । ଏହା ପରେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଭେଟି ଦେଇଥିଲେ । ଦେଶଭକ୍ତି ଫିଲ୍ମ ପାଇଁ ତାଙ୍କୁ ଭାରତ କୁମାରର ପରିଚୟ ମିଳିଥିଲା । ପାକିସ୍ତାନରେ ଜନ୍ମ ହୋଇଥିବା ଏହି ଷ୍ଟାର ଭାରତ କୁମାର ଭାବେ ସମସ୍ତଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ଅଧିକାର କରିଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.