ନୂଆଦିଲ୍ଲୀ: ତାମିଲନାଡୁ ଏବଂ କେରଳର ବିଭିନ୍ନ ସ୍ଥାନରେ ଚଢାଉ କରିଛି । ଗୋକୁଳମ ଗୋପାଳନଙ୍କ ଚିଟ୍ ଫଣ୍ଡ କମ୍ପାନୀ ସହ ଜଡିତ ସ୍ଥାନ ଉପରେ ଚଢ଼ାଉ ହୋଇଛି । ଗୋକୁଳମ୍ ଗୋପାଳନ୍ ଏମ୍ପୁରାନ୍ ଚଳଚ୍ଚିତ୍ରର ଜଣେ ପ୍ରଯୋଜକ। ଇଡି ଗୋକୁଳମ ଗୋପାଳନଙ୍କ କାର୍ଯ୍ୟାଳୟରେ ମଧ୍ୟ ଚଢାଉ କରିଛି । ଇଡି ଅଧିକାରୀମାନେ ତଦନ୍ତ ସଂପର୍କରେ ସ୍ପଷ୍ଟ ସୂଚନା ଦେଇ ନାହାନ୍ତି । ଏବେ କେରଳରେ ମୋହନଲାଲଙ୍କ ଫିଲ୍ମ 'L2: ଏମ୍ପୁରାନ୍'କୁ ନେଇ ବିବାଦ ଚାଲିଛି ।ପ୍ରକୃତରେ, ଏହି ଫିଲ୍ମରେ ଗୁଜରାଟ ଦଙ୍ଗାର କାହାଣୀ ସହିତ ଜଡିତ ଦୃଶ୍ୟଗୁଡ଼ିକୁ ପ୍ରଦର୍ଶିତ କରାଯାଇଛି।
ବିଜେପି ଏହାର ପ୍ରତିବାଦ କରୁଛି । ବିଜେପି ଦଙ୍ଗା ସହିତ ଜଡିତ ଦୃଶ୍ୟଗୁଡ଼ିକୁ କାଟିବାକୁ ଦାବି କରୁଛି। କେରଳ ହାଇକୋର୍ଟ ସ୍କ୍ରିନିଂ ଉପରେ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ଦେବାକୁ ମନା କରିଦେଇଥିଲେ। ଗୁରୁବାର ସାରା ବିଶ୍ୱରେ ମୁକ୍ତିଲାଭ କରିଥିବା 'L2: Empuraan' ପ୍ରଥମ ଦିନରେ କେବଳ କେରଳରେ ୭୪୬ଟି ସ୍କ୍ରିନରେ ପ୍ରଦର୍ଶିତ ହୋଇଥିଲା ।'L2: Empuraan'କୁ ନେଇ କେରଳରେ ରାଜନୈତିକ ବିବାଦ ଜାରି ରହିଛି।
କଂଗ୍ରେସର ସାଧାରଣ ସାଂପାଦକ କେସି ବେଣୁଗୋପାଳ କହିଛନ୍ତି ଯେ, ବିଜେପି ଅସହିଷ୍ଣୁ ହୋଇପଡ଼ିଛି । 'ଦି ଆକ୍ସିଡେଣ୍ଟାଲ୍ ପ୍ରାଇମ୍ ମିନିଷ୍ଟର' ଏବଂ ସଦ୍ୟ ମୁକ୍ତିଲାଭ କରିଥିବା 'ଏମର୍ଜେନ୍ସି' ଭଳି ଫିଲ୍ମ ବିଷୟରେ ସେ କହିଛନ୍ତି ଯେ, ଏହି ଫିଲ୍ମଗୁଡ଼ିକରେ କଂଗ୍ରେସ ଦଳକୁ ସମାଲୋଚନା କରାଯାଇଥିଲା, କିନ୍ତୁ ବିଜେପି ସେଗୁଡ଼ିକୁ ସ୍ୱାଗତ କରିଥିଲା। କେବଳ ଅସହିଷ୍ଣୁତା ଦେଖାଇବା ଠିକ୍ ନୁହେଁ । ବିଜେପି ଆତ୍ମସମୀକ୍ଷା କରିବା ଉଚିତ।
