ନୂଆଦିଲ୍ଲୀ,୪।୪: ଗାଜାରେ ଜଣେ ମୁସଲମାନଙ୍କୁ ମାରିବା ପାଇଁ ମିଳିବ ୩.୫ ଲକ୍ଷ ଟଙ୍କା ଖର୍ଚ୍ଚ କରିବ ଇସ୍ରାଏଲ। ହତିଆର କିଣିବାକୁ ନେଇ ଏବେ ଆମେରିକା ସହ ନୂଆ ଡିଲ୍ କରିଛି ଇସ୍ରାଏଲ। ଏହି ଡିଲ୍ ଅନୁସାରେ, ଇସ୍ରାଏଲକୁ ୮.୮ ବିଲିୟନ ଡଲାଣ (ପ୍ରାୟ ୭୫୦୦ କୋଟି ଟଙ୍କା)ର ଅସ୍ତ୍ର ଆମେରିକାରୁ ମିଳିବ। ଆମେରିକା ଇସ୍ରାଏଲକୁ ଏହି ଅସ୍ତ୍ର ଗାଜାରେ ଜାରି ସଙ୍କଟର ମୁକାବିଲ କରିବା ପାଇଁ ଦେଇଛି। ଇସ୍ରାଏଲ ଓ ଗାଜାର ସଂଗଠନ ହମାସ ମଧ୍ୟରେ ଅକ୍ଟୋବର ୨୦୨୩ ରୁ ଯୁଦ୍ଧ ଜାରି ରହିଛି। ଯୁଦ୍ଧରେ ପାଲେଷ୍ଟାଇନର ପ୍ରାୟ ୬୦ ହଜାର ମୁସଲମାନଙ୍କ ଜୀବନ ଯାଇସାରିଛି।
ଆମେରିକା ଗଣମାଧ୍ୟମର ସୂଚନା ଅନୁସାରେ, ଇସ୍ରାଏଲକୁ ହତିଆରର ଏହି ସପ୍ଲାଇ ଦୀର୍ଘ ସମୟ ପର୍ଯ୍ୟନ୍ତ ଦିଆଯିବ। ଇସ୍ରାଏଲର କିଛି ଅସ୍ତ୍ର ଆମେରିକା ଅସ୍ତ୍ରଶସ୍ତ୍ର ଭଣ୍ଡାରରୁ ଦିଆଯିବ। କିନ୍ତୁ ତାହା ଭିତରୁ ଅଧିକାଂଶ ଦେବାକୁ ବର୍ଷେ କିମ୍ବା ତା’ଠାରୁ ଅଧିକ ସମୟ ଲାଗିପାରେ। ଇସ୍ରାଏଲକୁ ଆମେରିକା ୧୫୫ ତୋପର ଗୁଳି ଓ ହେଲଫାୟର ଏଜିଏମ୍ ୧୧୪ ମିସାଇଲ ଦେଉଛି। ଯାହାକି ଆଟାକ୍ ହେଲିକପ୍ଟରରେ ବ୍ୟବହାର କରାଯାଏ। ଏହାଛଡା ଇସ୍ରାଏଲକୁ ୨୫୦ କିଲୋର ଘାତକ ବମ୍ ମଧ୍ୟ ଦିଆଯିବ। ଏହି ବମ୍କୁ ଇସ୍ରାଏଲ ଗାଜାରୁ ନେଇ ଲେବାନନ୍ ପର୍ଯ୍ୟନ୍ତ ଜୋରଦାର ବ୍ୟବହାର କରିଛି।
ଗାଜାର ଜନସଂଖ୍ୟା ୨୧ ଲକ୍ଷ ପାଖାପାଖି ରହିଛି। ଏଭଳି ସ୍ଥିତିରେ ପ୍ରଶ୍ନ ଉଠୁଛି ଇସ୍ରାଏଲ ଯେଉଁ ହତିଆର ଆମେରିକାଠାରୁ କିଣିଛି, କ’ଣ ସେଥିରୁ ଗାଜାର ଲୋକଙ୍କୁ ମାରି ଦିଆଯିବ। ଇସ୍ରାଏଲ ଉପରେ ଲଗାତାର ଗାଜାର ହସ୍ପିଟାଲ ଓ ସ୍କୁଲ ଉପରେ ମଧ୍ୟ ଆକ୍ରମଣ କରିବାର ଅଭିଯୋଗ ରହିଛି। ନିକଟରେ ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ କହିଛନ୍ତି, ତାଙ୍କର ଲକ୍ଷ୍ୟ ଗାଜାର ଅଧାସ୍ଥାନକୁ କବଜା କରିବ। ଇସ୍ରାଏଲ ସେନା ଏହି ରାସ୍ତାରେ ଆଗକୁ ବଢୁଛି।
