ନୂଆଦିଲ୍ଲୀ,୪।୪: ଭାରତୀୟ ରିଜର୍ଭ ବ୍ୟାଙ୍କ ଶୁକ୍ରବାର କହିଛି, ଖୁବ୍ ଶୀଘ୍ର ମହାତ୍ମା ଗାନ୍ଧୀଙ୍କ ନୂଆ ସିରିଜ୍ ଅନୁସାରେ ୧୦ ଓ ୫୦୦ ଟଙ୍କିଆ ନୋଟ୍ ଜାରି କରିବ। ଏହା ଉପର ନୂତନ ଗର୍ଭନର ସଞ୍ଜୟ ମାଲହୋତ୍ରାଙ୍କ ଦସ୍ତଖତ ରହିବ। କେନ୍ଦ୍ରୀୟ ବ୍ୟାଙ୍କ ଏକ ବୟାନରେ କହିଛି ଏହି ନୋଟ୍ର ଡିଜାଇନ୍ ସବୁ ପ୍ରକାରରେ ମହାତ୍ମା ଗାନ୍ଧୀଙ୍କ ନୂଆ ସିରିଜ୍ର ୧୦ ଓ ୫୦୦ ଟଙ୍କିଆରେ ଥିବା ବ୍ୟାଙ୍କ ନୋଟ୍ ସହ ସମାନ।
ନୂଆ ନୋଟ୍ ଜାରି ବେହାପରେ ବି ରିଜର୍ଭ ବ୍ୟାଙ୍କ ଦ୍ବାରା ପୂର୍ବରୁ ଜାରି କରାଯାଇଥିବା ୧୦ ଓ ୫୦୦ ଟଙ୍କିଆ ମୂଳ୍ୟ ବର୍ଗର ସବୁ ବ୍ୟାଙ୍କ ନୋଟ୍ ବୈଧ ମୁଦ୍ରା ରହିବ। ଆରବିଆଇ ଗତ ମାସ ଗଭର୍ଣ୍ଣର ମାଲହୋତ୍ରାଙ୍କ ଦସ୍ତଖତ ଥିବା ୧୦୦ ଓ ୨୦୦ ଟିଙ୍କା ବ୍ୟାଙ୍କ ନୋଟ୍ ଜାରି କରିବାର ଘୋଷଣା କରିଥିଲା। ସଞ୍ଜୟ ମାଲହୋତ୍ରା ଡିସେମ୍ବର ୨୦୨୪ ରେ ଆରବିଆଇର ଗଭର୍ଣ୍ଣ ପଦ ଗ୍ରହଣ କରିଥିଲେ। ସେ ୬ବର୍ଷ ଧରି ଗଭର୍ଣ୍ଣର ଥିବା ଶକ୍ତିକାନ୍ତ ଦାସଙ୍କ ସ୍ଥାନ ନେଇଥିଲେ।
ମିଳିଥିବା ସୂଚନା ଅନୁସାରେ, ଏହି ପଦକ୍ଷେପ ନଗଦ ଯୋଗାଣକୁ ବଜାୟ ରଖିବା ଓ ବ୍ୟାଙ୍କିଙ୍ଗ ପ୍ରଣାଳିରେ ସ୍ଥିରତା ସୁନିଶ୍ଚିତ କରିବା ଉଦେଶ୍ୟରେ ଉଠାଯାଇଛି। ଏହା ସହ ନୂଆ ଗଭର୍ଣ୍ଣରଙ୍କ ଦସ୍ତଖତ ଥିବା ନୋଟ ଜାରି କରିବା ଏକ ନିୟମିତ ପକ୍ରିୟା। ଯାହାକୁ ପ୍ରତ୍ୟେକ ନୂଆ ଗଭର୍ଣ୍ଣଙ୍କ କାର୍ଯ୍ୟଭାର ସମ୍ଭାଳିବା ପରେ କରାଯାଏ।
