ନୂଆଦିଲ୍ଲୀ: ମିଆଁମାର ଏବଂ ଥାଇଲାଣ୍ଡ ପରେ ଏବେ ଆଉ ଏକ ପ୍ରଶାନ୍ତ ମହାସାଗରୀୟ ଦ୍ୱୀପ ଦେଶରେ ଭୂମିକମ୍ପ ଅନୁଭୂତ ହୋଇଛି । ଏହାର ତୀବ୍ରତା ରିକ୍ଟର ସ୍କେଲରେ ୭.୧ ରହିଛି । ଏକ ରିପୋର୍ଟ ଅନୁଯାୟୀ, ଏହି ଭୂମିକମ୍ପ ଓସେନିଆ ଦେଶ ଟୋଙ୍ଗାରେ ଅନୁଭୂତ ହୋଇଛି। ଏତେ ତୀବ୍ରତାର ଭୂମିକମ୍ପ ପରେ ସୁନାମୀ ଚେତାବନୀ ଜାରି କରାଯାଇଛି। ଭୂମିକମ୍ପ ଯୋଗୁଁ ହୋଇଥିବା କ୍ଷୟକ୍ଷତି ସମ୍ପର୍କରେ ସୂଚନା ମିଳିପାରି ନାହିଁ।
ଆମେରିକାର ଭୂତତ୍ତ୍ୱ ସର୍ଭେ ଅନୁସାରେ, ଏହି ଭୂମିକମ୍ପ ଟୋଙ୍ଗା ନିକଟରେ ଘଟିଛି । ଏହାର ତୀବ୍ରତା ୭.୧ ରହିଛି । ଏହି କାରଣରୁ ପ୍ରଶାନ୍ତ ମହାସାଗରୀୟ ଦ୍ୱୀପ ଦେଶ ପାଇଁ ସୁନାମୀ ଚେତାବନୀ ଜାରି କରାଯାଇଛି।
ଆମେରିକାର ଭୂତତ୍ତ୍ୱ ସର୍ଭେ ଅନୁସାରେ, ସୋମବାର ସକାଳେ ମୁଖ୍ୟ ଦ୍ୱୀପରୁ ପ୍ରାୟ ୧୦୦ କିଲୋମିଟର ଉତ୍ତର-ପୂର୍ବରେ ଭୂମିକମ୍ପ ହୋଇଥିଲା। ଏହି ଭୟଙ୍କର ଭୂମିକମ୍ପ ପରେ, ପ୍ରଶାନ୍ତ ମହାସାଗରେ ସୁନାମୀ ଆସିବା ନେଇ ପୂର୍ବାନୁମାନ କରାଯାଇଛି । ଭୂମିକମ୍ପ କେନ୍ଦ୍ରର ୩୦୦ କିଲୋମିଟର ମଧ୍ୟରେ ଅବସ୍ଥିତ ଉପକୂଳରେ ବିପଦପୂର୍ଣ୍ଣ ଜୁଆର ମାଡ଼ି ଆସିପାରେ ବୋଲି ଚେତାବନୀ ଜାରି କରାଯାଇଛି ।
ସୂଚନାଯୋଗ୍ୟ, ଟୋଙ୍ଗା ଏକ ଦେଶ ଯାହା ୧୭୧ଟି ଦ୍ୱୀପକୁ ନେଇ ଗଠିତ ଏବଂ ଏହାର ଜନସଂଖ୍ୟା ୧,୦୦,୦୦୦ ରୁ ଟିକିଏ ଅଧିକ । ସେମଧ୍ୟରୁ ଅଧିକାଂଶ ଲୋକ ଟୋଙ୍ଗାର ମୁଖ୍ୟ ଦ୍ୱୀପରେ ବାସ କରନ୍ତି। ଏହା ଅଷ୍ଟ୍ରେଲିଆର ପୂର୍ବ ଉପକୂଳରୁ ୩୫୦୦ କିଲୋମିଟର ଦୂରରେ ଅବସ୍ଥିତ।
