ଭଞ୍ଜନଗର, ୨୪ ।୩ (ଆପ୍ର): ଚୈତ୍ର ମଙ୍ଗଳବାର ଦ୍ୱିତୀୟ ପାଳିରୁ ଗଞ୍ଜାମ ଜିଲ୍ଲାର ପ୍ରସିଦ୍ଧ ଦଣ୍ଡ ଯାତ୍ରା (୨୧ ଦିନିଆ) ଆରମ୍ଭ ହୋଇଯିବ । ଏପ୍ରିଲ୍ ୧୩ ତାରିଖ ଯାଏଁ ଗାଁଠୁ ସହର ସବୁଠି ଦଣ୍ଡ ଯାତ୍ରାର ଧୁମ୍ ଲାଗି ରହିବ । ଦଣ୍ଡ ନାଚ ଦଳଗୁଡ଼ିକ ନିଜର ପ୍ରସ୍ତୁତି ଚୂଡ଼ାନ୍ତ କରୁଥିବା ବେଳେ ଆଖଡାଶାଳରେ କଳାକାରମାନେ ଅଭ୍ୟାସ ଚଳାଇଛନ୍ତି । ଦର୍ଶକଙ୍କୁ ଆକୃଷ୍ଟ କରିବାକୁ ରେକର୍ଡ ଡ୍ୟାନ୍ସ, ଅଶ୍ଲୀଳ ନୃତ୍ୟ ସଙ୍ଗୀତ ପରିବେଷଣ ଦ୍ୱାରା ବିଶୃଙ୍ଖଳା ଉପୁଜୁଥିଲା । ଏସବୁକୁ ଏଡ଼ାଇବାକୁ ଭଞ୍ଜନଗର ପୁଲିସ ପକ୍ଷରୁ ରବିବାର ଥାନା ପରିସରରେ ଆମ ପୁଲିସ ସମିତି ବୈଠକ ହୋଇଥିଲା । ଥାନା ଇଲାକାର ସବୁ ଦଣ୍ଡ ଯାତ୍ରା କମିଟିକୁ ଡାକି ଅଶ୍ଲୀଳ ନୃତ୍ୟ ପ୍ରଦର୍ଶନ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାଇ ଦିଆଯାଇଛି ।
ବୈଠକରେ ଏସ୍ଡିପିଓ ସୁଜିତ କୁମାର ନାୟକ ଅଧ୍ୟକ୍ଷତା କରିଥିବା ବେଳେ ଥାନାଧିକାରୀ ଜୀବନାନନ୍ଦ ଜେନା, ବରିଷ୍ଠ ସଦସ୍ୟ ପ୍ରଫେସର କୃତିବାସ ବିଶ୍ୱାଳ, ଡ. ପୂର୍ଣ୍ଣଚନ୍ଦ୍ର ତ୍ରିପାଠୀ, ଅନ୍ତର୍ଯ୍ୟାମୀ ତ୍ରିପାଠୀ ମଞ୍ଚାସୀନ ଥିଲେ । ଅନୁପମ ବାନାର୍ଜୀ ସଂଯୋଜନା କରିଥିଲେ । ସଦସ୍ୟ ଲୋକନାଥ କର, ଜଗଦୀଶ ପାଣିଗ୍ରାହୀ, ବାସନ୍ତୀ ପାଣିଗ୍ରାହୀ ଆଲୋଚନାରେ ଅଂଶଗ୍ରହଣ କରିଥିଲେ । ବିଭିନ୍ନ ଦଣ୍ଡ ଯାତ୍ରା କମିଟି ପକ୍ଷରୁ ଚଳିତ ବର୍ଷ ସେଭଳି କିଛି ଅସୁବିଧା ହେବନାହିଁ। ଓ ଆସନ୍ତାବର୍ଷରୁ କେବଳ ପାରମ୍ପରିକ ଦଣ୍ଡ ଚରିତ ହିଁ ପରିବେଷଣ କରାଯିବ ବୋଲି ସୂଚନା ଦିଆଯାଇଛି । ସୁଶାନ୍ତ ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ଏଥିସହ ହନୁମାନ ଜୟନ୍ତୀ ଯେପରି ନିବି ର୍ଘ୍ନରେ ସମାପ୍ତ ହେବ ସେଥିପାଇଁ ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗ ଦଳର ବହୁ ସଦସ୍ୟଙ୍କ ସହ ଆଲୋଚନା କରାଯାଇଥିଲା । ମୁରଲୀଧର ପଣ୍ଡା, ବଟକୃଷ୍ଣ ପଣ୍ଡା ଅଂଶଗ୍ରହଣ କରିଥିଲେ।
