ନୂଆଦିଲ୍ଲୀ,୧୪/୦୪: ଭାରତ ସମ୍ବିଧାନର ଜନକ ଆମ୍ବେଦକରଙ୍କର ଆଜି ଜୟନ୍ତୀ । ଏହି ଅବସରରେ ପୁଣି ଫଟୋ ମୁଦ୍ଦା ଉଠାଇଛି ଆମ୍ ଆଦମୀ ପାର୍ଟି । ଦିଲ୍ଲୀ ସରକାରଙ୍କୁ ଟାର୍ଗେଟ କରିଛନ୍ତି ଆପ୍ ନେତା ସୌରଭ ଭାରଦ୍ୱାଜ । ବିଜେପି ଆମ୍ବେଦକରଙ୍କୁ ହୃଦୟରେ ଜାଗା ଦେଇନାହିଁ କି କାନ୍ଥରେ ବି ଦେଇନି ଯାହା ଅତ୍ୟନ୍ତ ଲଜ୍ୟାଜନକ । ଦିଲ୍ଲୀ ସରକାରଙ୍କୁ ଟାର୍ଗେଟ କରି ଏହା କହିଛି ଆପ୍ ।
ଦିଲ୍ଲୀ ସିଏମ୍ କାର୍ଯ୍ୟାଳୟରୁ ବି ଆର୍ ଆମ୍ବେଦକରଙ୍କ ଫଟୋ ହଟାଇ ଦେଇଥିଲା । ମାମଲା ବିଧାନସଭା ଯାଏ ଯାଇଥିଲା । ଆମ୍ବେଦକରଙ୍କ ଜୟନ୍ତୀ ଅବସରରେ ଏହି ମୁଦ୍ଦାକୁ ପୁଣି ଥରେ ଉଠାଇଛନ୍ତି ଆପ୍ ନେତା ତଥା ପୂର୍ବତନ ମନ୍ତ୍ରୀ ସୌରଭ ଭାରଦ୍ୱାଜ। ଦିଲ୍ଲୀ ସରକାରଙ୍କୁ ଟାର୍ଗେଟ କରି ସେ କହିଛନ୍ତି, '' ବାବା ସାହେବ ଆମ୍ବେଦକରଙ୍କୁ ବିଜେପି ହୃଦୟରେ ଜାଗା ଦେଇନାହିଁ କି କାନ୍ଥରେ ବି ଦେଇନି ଏହା ଲଜ୍ୟାଜନକ । ଅରବିନ୍ଦ କେଜ୍ରିୱାଲ ନିଷ୍ପତ୍ତି ନେଇଥିଲେ କି ସରକାରୀ କାର୍ଯ୍ୟାଳୟରେ, ସିଏମ୍ ଅଫିସ୍ ଓ ମନ୍ତ୍ରୀଙ୍କ ଅଫିସ୍ରେ ଭୀରରାଓ ଆମ୍ବେଦକରଙ୍କ ଫଟୋ ରହିବ । ମାତ୍ର ଦିଲ୍ଲୀରେ ବିଜେପି ସରକାର ଗଢିବା ପରେ ସରକାରୀ କାର୍ଯ୍ୟାଳୟରୁ ଆମ୍ବେଦକରଙ୍କ ଫଟୋ ହଟାଇ ଦେଇଥିଲା । ସିଏମ୍ ଚୌକି ସମାନ ଥିଲା ଘରର କାନ୍ଥର ରଙ୍ଗ ବି ସମାନ ଥିଲା ମାତ୍ର ଆମ୍ବେଦକରଙ୍କ ଫଟୋ ଗାଏବ ହୋଇଥିଲା । ''
ଦିଲ୍ଲୀରେ ରେଖା ଗୁପ୍ତା ମୁଖ୍ୟମନ୍ତ୍ରୀ ଭାବେ ସରକାର ଗଠନ ହେବା ପରେ ତାଙ୍କ କାର୍ଯ୍ୟାଳୟରୁ ସମ୍ବିଧାନ ପ୍ରଣେତା ବାବା ସାହେବା ଆମ୍ବେଦକରଙ୍କ ଫଟୋ ହଟାଇ ଦେଇଥିଲେ । ଏହାକୁ ନେଇ ରାଜନୀତି ସରଗରମ ହୋଇଥିଲା । ବିରୋଧୀ ଆପ୍ ଶାସକ ଆପ୍କୁ ଟାର୍ଗେଟ କରିଥିଲା । ପରବର୍ତ୍ତୀ ସମୟରେ ଦିଲ୍ଲୀ ସରକାର ଏକ ଭିଡିଓ ଜାରି କରି ଫଟୋ ହଟା ଯାଇ ନାହିଁ କେବେଳ ସ୍ଥାନ ବଦଳା ଯାଇଛି ବୋଲି କହିଥିଲେ । ଆଜି ବାବା ସାହେବ ଆମ୍ବେଦକରଙ୍କ ଜୟନ୍ତୀ ଅବସରରେ ପୁଣି ସେହି ଫଟୋ ମୁଦ୍ଦା ଉଠାଇଛି ଆପ୍ ।
